Ia Eo Kwomaron̄ Lo Kajoor Eļan̄n̄e Kwoj En̄jake ke Rem̧akoko?

Jejjo̧ iiō remootļo̧k, ikar bōk koņaō ilo juon m̧akūtkūt an jet jodikdik im mijinede ro. Kōttōpar eo am ej n̄an karuwaineneiktok armej n̄an itok im pād ilo juon kweilo̧k in kwojkwoj eo ejenolo̧k.

Ikar lukkuun m̧ōņōņō in likūt eō ilo jerbal ko an mijinede ro ad. Kōm kar maron̄ in ajeeji invitation ko am n̄an jet armej ro jekkar ioon er. Ke ekkar iien n̄an leļo̧k card eo āliktata, Jetōb eaar im̧we eō bwe in jibadōkļo̧k armej eo ekkar. Ak ekar m̧akoko in bōk kūr eo am̧ im ekar jilkinļo̧k kōm.

Ekar kōm̧m̧an menin aō būrom̧ōj n̄an lale an armej in kowaan iakwe eo an ad Rilo̧mo̧o̧r. Ijeļā bwe elōn̄ armej rejjab kōņan bōk kūr eo an Kraist n̄an itok n̄an E. Bōtaab ibar jeļā bwe kōn baj leļo̧k wōt kūr in, kōmij katōk juon ine ilo būruōn armej ro. En̄jake in ekar kōkajoorļo̧k naan in kam̧ool eo aō men̄e kūr eo aō kar jab bōke. Ijeļā bwe kōn Kraist, jabdewōt men repidodo, im ij wōnm̧aanļo̧k wōt n̄an jerbale juon mijen n̄an boktok ro jet n̄an E im Jemedwōj Ilan̄.