“?Olsem wanem bae mi save gohed blong gat hop mo rere from fiuja famli blong mi taem wol ia i stap muvmuv tumas?”

“Lod i bin givim oda long yumi blong kam plante mo fulumap wol ia mo i bin promes blong protektem yumi tru ol kavenan we yumi bin mekem wetem Hem. Plan blong God i stret gud evriwan. Mi save se taem mi gat pikinini—sapos mi obei long wanem we Hem i bin givim oda long mi—Hem bae i fasem Hem wetem mi blong blesem mo protektem mi mo famli blong mi folem waes tingting blong Hem.”

Ziona O., 16 yia, Hawae, YSA

“Mi faenem hop taem mi eksasaesem fet long God mo plan blong hem blong mi. Taem we wol i stap muvmuv tumas, mi save tanem mi i go long Hem from pis. Petriakel blesing blong mi i helpem mi blong save se Papa blong mi long Heven i save mi bitim eniwan mo i lavem mi. Hem i givim mi strong tingting se evri samting bae i oraet.”

Logan A., 16 yia, Teksas, YSA

“Hem i helpem mi blong save se God i lavem mi, i gat wan plan blong mi, mo bae i helpem mi tru ol hadtaem blong mi. Hem i help tu blong save se ol kavenan blong mi i fasem mi wetem Kraes mo givim mi akses long paoa blong Hem.”

Lydie L., 18, Yuta, YSA

“Faenem glad long Kraes, ol skripja, mo prea. Sapos yumi save lanem se tingting we i moa impoten hem i hemia blong Sevya, bae i mekem laef i kam moa isi. Blong stap mekem ol desisen we i folem ol tingting blong ol pipol raon long yumi i save fosem yumi blong mekem ol nogud desisen.

Cash P., 16 yia, Yuta, YSA

“Yumi mas putum tras blong yumi long God mo gat wan gudfala maen. Yumi save tekem insperesen blong ol narawan we oli bin winim ol semmak jalenj. Mo tu, blong stap kipim ol komanmen, speseli loa blong jastiti mo fasin blong stap klin, i stanemap wan strong fandesen blong bildim wan famli laef nomata long ol tingting blong aotsaed we i traem blong putum yu daon.”

Divine O., 19 yia, Lagos, Nigeria