?Yu Save Faenem Paoa Wea Taem Oli No Akseptem Yu?

Sam yia i pas, mi bin tekpat long wan aktiviti wetem ol nara yut mo sam misinari. Gol blong mifala i blong invaetem ol pipol blong kam pat long wan spesel sakramen miting.

Mi bin glad tumas blong aktem se se mi olsem ol misinari. Mifala i bin save givimaot ol invitesen blong mifala i go long sam pipol we mifala i bin mitim. Taem we i taem blong givimaot las kad, smol voes blong Spirit i talem long mi blong go long wan stret man. Be fes blong hem i nogud long invitesen blong mifala mo sendemaot mifala.

I mekem mi harem nogud blong luk man ia we i no akseptem lav blong Sevya blong yumi. Mi save se plante pipol oli no akseptem invitesen blong Kraes blong kam long Hem. Be mi save tu se tru long simpol invitesen ia we mifala i mekem, mifala i stap planem wan sid insaed long ol hat blong ol pipol. Eksperiens ia i mekem testemoni blong mi i kam strong iven we oli sakemaot invitesen blong mi. Mi save se wetem Kraes, eni samting i posibol, mo stap gohed blong mekem rere blong givim seves long wan misin mo tekem ol narawan i kam long Hem mo Papa blong yumi long Heven.