Kam Folem Mi
Ol Rij Samting we oli Haed
Go insaed long ol skripja mo bae yu faenem evri kaen samting.
Revelesen blong tedei i mekem ol skripja oli klia.
Doctrine and Covenants 19 i eksplenem tu samting abaot Sevya.
Luk i talem se swet blong Lod long Garen blong Getsemane “i stap folfoldaon long graon olsem blad nomo” (Luk 22:44). “Olsem” hem i soem se i wan wei blong toktok nomo.
Jisas i mekem hemia i klia. Hem i talem se safaring blong Hem i mekem “blad blong [Hem] i ronaot long evri hol blong skin blong [Hem]” (Doktrin mo Ol Kavenan 19:18). Ol pikja i nogat. Harem nogud blong Hem i bigwan tumas, Hem i bin swet gud long blad.
Long samples, ol skripja oli yusum ol toktok olsem “harem nogud we i no gat en” mo “panismen we i no save finis.” Yangfala Alma i bin talem se hem i “filim i soa wetem trabol we i no save finis” (Alma 36:12). Be harem nogud blong hem i stap tri dei nomo (luk long Alma 36:16). ?Be olsem wanem nao “i no save finis”?
Bakegen, Jisas i mekem i klia. From Papa long Heven mo Jisas Tufala i no save finis mo no gat en, eni panismen we Tufala i givim i folem definisen, “no save finis” o panismen we “i nogat en”, i folem taem (luk long Doktrin mo Ol Kavenan 19:6–12). Safaring blong pikinini blong tudak nomo bae i stap blong oltaem (luk long Doktrin mo Ol Kavenan 76:30–38).
Wan baptaes hem i inaf—be i nidim atoriti.
Plante taem, olgeta we bae oli konvet oli stap askem ol misinari: ?Bae i olsem wanem sapos mi bin baptaes finis long wan nara jos? ?Mi mi nidim blong kasem baptaes bakegen?
Doktrin mo Ol Kavenan i eksplenem se sapos i no wetem prishud— atoriti blong mekem long nem blong God—“nomata we wan man i mas kasem baptaes wan handred taem, hemia i no blong gud blong hem nating” (Doktrin mo Ol Kavenan 22:2).
Faswan, ansa hem i: “Baptaes blong yu blong bifo i wan stret aksen folem wanem yu bin save long taem ia. Naoia yu save moa, mo Lod i wantem yu blong tekem aksen folem save ia.”
I nogat wan i gud long evri samting. Mo hemia i oraet nomo.
Profet Josef Smit i no bin gud long bisnis o ekonomi. Long fasin blong wol i talem se, hem i no wan man blo sakses.
Lod i bin talem long hem se bae i olsem ia nao: “long saed blong ol wok blong wol ia, bambae yu no gat paoa, from we hem i no koling blong yu” (Doktrin mo Ol Kavenan 24:9
Bae yu gat ol fren mo fren blong klas we oli go long ol gudfala yunivesiti bitim yu, gat ol gudfala wok bitim yu, mo gat moa sakses blong wol ia bitim yu.
?Afta Wanem?
Laef i no wan kompetisen. Yes, yu sapos blong traem bes blong yu. Be yu no mas fraet sapos yu luk ol narawan oli kam pas bitim yu long rod blong laef ia. Maet oli no stap go long semmak ples we yu stap go long hem. Gohed blong mekem wanem we Lod i wantem yu blong mekem—“koling” blong yu—mo no wari abaot plan blong Hem long narawan.
Haos blong God i haos blong oda.
Plante taem Sevya i rimaenem Profet Josef Smit se evri samting i mas mekem “long oda” (luk long Doktrin mo Ol Kavenan 20:68; 28:13; 58:55; 107:84). Yu nidim ol rul o sapos no bae i gat raorao.
Be hemia i no minim se bae i neva gat eni fridom. Eksampol, Lod i bin talem long Josef Smit se “i nomata wanem nao yufala i kakae o wanem nao yufala i dring taem yufala i tekem sakramen”—be sapos nomo yufala i mekem blong tingbaot safaring mo Atonmen blong Hem (Doctrine and Covenants 27:2).
Taem blong stap lidim Jos, hemia, i no gat fridom. Wan man nomo long wantaem i save kasem revelesen blong Jos: faswan i Josef Smit (luk long Doktrin mo Ol Kavenan 28:2); afta wan we Lod i singaotem hem “long ples blong hem” (Doktrin mo Ol Kavenan 28:7)—Brigham Young, John Taylor, mo i kam kasem profet blong tedei.
Ol nara Jos lida we oli kasem insperesen oli save tij, givim advaes, mo givim kaonsel (luk long Doktrin mo Ol Kavenan 28:4–5). Be Presiden blong Jos nomo i save toktok blong God long ol impoten samting we i blong ful Jos.