Blong Taem we Yu Harem Nogud
Doktrin mo Ol Kavenan i givim help taem ol samting i no wok folem wei blong yu.
Pikja droing i kam long Luciana Abrão
? Yu yu eva harem nogud finis? Mi bin filim olsem. I tru, Mi bin harem nogud nomo las wik. I tru—wota blong ae mo evri samting.
Lod i talem long Josef Smit se, “Yu mas gat fasin blong save wet longtaem long ol hadtaem, from we bambae yu gat plante” Solemdaon. Mi no laekem saon blong hemia.
Be tangkyu tumas, skripja i gohed: “Be stap strong agensem olgeta, from we, luk, mi stap wetem yu, go kasem en blong laef blong yu” (Doktrin mo Ol Kavenan 24:8, oli ademap long italik). OK. Longfala brit aot.
Taem mi tingting long hem, mi luksave se Lod i bin stap wetem mi truaot evri harem nogud we mi bin go tru long hem. Hemia samfala eksampol:
Taem Mi No Bin Kasem Pat …
Taem mi kasem 15 yia, oli selektem mi blong plei long wan skul. Mi bin traehad from pat ia blong lidim tim, be long en, mi no bin kasem.
Wanem we i moa nogud i we, tija i bin givimaot finis ol smol wok, be mi nomo mi gat wan pat blong mi. Hem i mekem mi kam Studen Daerekta, mo from we hem i filim nogud, hem i ademap tu wan niu pat—mi mas go long stej blong 30 seken olsem wan saelen nan. (sistahud)
Yes. Mi krae.
… Lod i Mekem Mi Mi Strong
Blong lukluk bak, mi luksave se Sevya i bin helpem mi truaot long taem blong harem nogud ia. Hem i mekem mi strong blong kipim wan gud fasin mo develop moa long fasin blong putum mi daon. Long en, mi bin gat gud taem long gem blong mi taem mi stap long yia naen.
“Bae yumi mekem wetem glad hat, evri samting we i stap long paoa blong yumi; mo afta, bae yumi stanap kwaet, wetem bigfala tras evriwan, blong luk fasin blong God blong sevem man, mo blong Lod i soemaot han blong hem” (Doktrin mo Ol Kavenan 123:17, oli ademap long italik).
Taem Ol Spot I No Go Folem Wei blong Mi …
Long las yia blong hae skul blong mi, mi bin wantem blong mekem wan kolej tenis tim. Mi mas winim rang blong gel we i antap long mi kwiktaem blong mi save mekem wan tim. Be taem we mi plei wetem hem, mi lus.
Nomata se mi harem nogud, mi bin plei long tim blong junia kolej. Long faenol blong junia kolej tunamen, oli bin rangem mi long fas ples. ?Be, yu save wanem? Mi lus long faenol maj. Mi krae—bakegen.
Mi harem nogud bakegen afta long hemia. Afta we mi bin kasem wan awod blong kasem ol gud mak mo stap plei long spot, oli jusum blong tekemaot awod ia—from i klia, hem i blong olgeta nomo we oli plei long yunivesiti.
… Hem i wan “Smol Taem” Nomo
Long taem ia, tenis i bin wan pig pat long laef blong mi, mo ol harem nogud ia oli bigwan tumas. Wanem we mi no luksave i we, oltaem, Sevya i stap wetem mi mo helpem mi. Ol bigfala harem nogud ia oli no bin stap longfala taem, iven sapos i olsem se bae oli sapos blong stap longtaem.
“Pis i stap long sol blong yu; ol samting we oli kam agensem yu mo ol hadtaem blong yu oli blong smol taem nomo; mo afta, sapos yu mekem gud blong stap strong, God bae i leftemap nem blong yu long heven” (Doktrin mo Ol Kavenan 121:7–8, oli ademap long italik).
Taem Mi Traem blong Stap Waes blong Winim Harem Nogud …
Samtaem, mi traem blong stap longwe long harem nogud. Taem mi gat 13 yia mo mi no bin pas blong pat long studen kaonsel, mi neva traem bakegen, iven i wan samting we mi sapos blong traem bakegen. Mi givap from mi fraet blong harem nogud abkegen.
… Mi Nid blong “No Ftraet”
Mi nid blong tingbaot se Lod i stap wetem yumi, iven long ol harem nogud blong mifala. Samtaem ol samting i no wok folem wei blong yumi, be Hem i save helpem yumi blong fesem ol filing blong sore blong yumi mo traem ol niu samting.
“Lukluk long mi long evri tingting blong yufala; no gat tu tingting, no fraet” (Doktrin mo Ol Kavenan 6:36–37, oli ademap long italik).
Blong Givim Seves long wan Misin I No Wok Bin Wok Folem Plan …
Afta long hae skul, mi jusum blong sevem wan misin. Be mi gat sam medikol problem we mi no bin save we i kipim mi blong no go long taem we mi tingting blong go.
Mi mas gat fasin blong save wet longtaem, be long en oli singaotem mi blong go long Meksiko Guadalajara Is Misin. Long ples ia, mi tijim plante naesfala pipol mo iven helpem sam long olgeta blong kasem baptaes. Be iven wetem fet blong mi, fasin blong obei, mo had wok, i nogat wan long olgeta i stap aktiv long Jos.
…Mi gat Tras long Tingting blong God
Plante taem, ol samting long laef oli aot long kontrol blong yumi. Mi no bin save fiksim ol medikol problem blong mi. Mo mi no save fosem ol narawan blong laef folem gospel. Be mi save gat tras long taem mo wei blong Lod.
“From hemia, mekem yufala i kam tabu blong mekem se maen blong yufala i luk nomo long God, mo ol dei bae oli kam we bambae yufala i luk hem; … mo bambae i hapen long taem blong hem, mo long wei blong hem, mo folem tingting blong hem” (Doktrin mo Ol Kavenan 88:68, oli ademap long italik).
Taem Mi Bin Harem Nogud Las Wik …
Mi wan adalt nao. Be mi stap harem nogud yet. Be, las wik nomo mi go long wan raeting konfrens. Mi gat strong tingting long miwan abaot sam long ol raeting blong mi, be mi kasem sam fidbak blong harem nogud we i kam long ol nara man blong raet.
… Hem I Stap wetem Mi
Naoia, mi stap traem blong trastem Lod smol moa. Harem nogud hem i wan pat blong laef. Oli no minim se yu stap mekem ol samting i rong.
So, gobak long skripja stat long stat. Yes, yumi save gat “plante” ol hadtaem mo harem nogud. Be mi save se Lod bae i stap wetem mi truaot long evriwan long olgeta. Mo bae Hem i stap tu wetem yu.
“Yu mas gat fasin blong save wet longtaem long ol hadtaem, from we bambae yu gat plante; be stap strong agensem olgeta, from we, luk, mi stap wetem yu, go kasem en blong laef blong yu” (Doktrin mo Ol Kavenan 24:8, oli ademap long italik).