Sevya i Helpem Mi blong Jenis

Pikja i kam long Katelyn Budge

Mi gat kaen fes ia we, sapos mi no smael, fes blong mi i luk olsem se mi kros. Ol pipol bae oli askem mi se, “?From wanem yu stap strong fes?” ?Wanem problem blong yu?” Mo mi talem se, “Mi no strong fes.” Be kwestin blong olgeta nao i stap mekem mi kros.

Papa blong mi i bin wari long mi. Hem i singaotem mi i go long rum blong hem mo talem se, “Yu save se yu no save gohed blong stap gat fasin blong kros ia. ?Wanem i stap rong long yu?” Mi bin jusum se mi wantem jenis.

Mi bin prea mo krae long Papa long Heven blong helpem mi. Taem i pas, mi stat blong filim jenis. Mi nomo stap kros tumas, mi smael plante, mo mi lavem ol narawan moa. Evriwan i talem se, “Yu jenis.” Mi save long hat blong mi se hemia i no long paoa blong miwan. Hem i tru long paoa blong Atonmen blong Jisas Kraes.

Hem i had blong save kam wan man we yu wantem blong kam. Mi no save talem se mi kasem finis, be mi stap traehad blong kasem ples ia. Rod blong yumi i sapos blong wetem Jisas Kraes. Yumi sapos blong invaetem Hem i kam wetem yumi.