Prea i Stap Winim Ol Hadtaem
?Olsem wanem nao yumi putum ol hadtaem blong yumi long saed blong prea?
Ol pikja droing oli kam long Andrew Bosley mo Derek L. Smith
“Prea oltaem.” Sevya i givim instraksen ia 10 taem insaed long Doktrin mo Ol Kavenan. Yumi andastanem se i toktok we i givim pikja long wan samting—yumi no save go daon long ni blong yumi nomo olsem blong prea evri taem yumi wekap blong prea—be !samtaem i had iven blong prea tu taem long wan dei! ?Olsem wanem nao yumi winim ol hadtaem?
Ples blong Jiam: Stap Fogetem
Yumi ol man. Hemia i hapen.
Wan posibol ansa:
Joenem ol prea blong yu wetem wan samting we yu mekem evri dei, blong mekem se taem yu tingbaot wan, yu tingbaot ol narawan. Sapos yu faenem se yu wantem slip tumas blong mekem wan prea we i gat mining, taem yu wekap o bifo yu go long bed blong slip, putum ol prea blong yu long sam nara dei mo naet folem taem tebol we yu smat blong mekem, olsem brasem tut blong yu o tekem meresin. O !putum alam long fon blong yu!
Jiam: Nogat samting blong ripotem
?Wanem nao yu gat blong talem long moning taem evri samting yu bin mekem i las prea blong yu bifo yu slip?
Wan posibol ansa:
Long moning talem tangkyu long God from ol blesing, we i gat tu wanwan man o woman we oli blesem laef blong yu. Prea from olgeta pipol ia. Talem long God wanem yu bin mekem plan from blong tedei mo askem help blong Hem. Long naet, mekem ripot i gobak. Talemaot evri samting long Hem we i bin hapen long dei taem we yu glad long hem, yu lan aot long hem, o we yu faenem se i intres.
Ples blong Jiam: Ol nogud filing
Maet yu filim se yu no klin inaf from wan samting we yu bin mekem—o stap tingting blong mekem. Maet yu kros long God from wan samting. Maet yu no stap nomo long wan gud taem.
Ansa i: Prea nomo
Ol wanem kaen filing yu gat, God i save mekem olgeta i kam sofsof. I neva gat wan we i “no klin inaf” blong prea, mo hem i devel we i wantem yu blong tingting long wei ia (luk long 2 Nifae 32:8). Papa blong yu long Heven bae i wantem blong harem prea blong yu we i no stret gud evriwan mo i no fulwan—kaen ia we yu mekem wan poen blong no talem Bigfala Samting we yu no laekem blong talemaot yet—bitim blong no harem yu nomo.