Maja C.

Foto i kam long Christina Smith

Mama mo papa blong mi i seperet taem mi gat tu mo haf yia. Mi bin stap go visitim papa blong mi evri manis, mo taem mi kam yang, hemia i bin wan hapi taem. Be taem mi kam adalt, mifala i gat sam samting we mifala i no agri long hem mo ol samting oli kam nogud mo nogud.

Mi tingbaot mi bin krae long mama blong mi se mi nomo wantem visitim papa blong mi. Mama i talem: “Prea, mo evri samting bae i kam oraet.” Mo mi bin mekem.

God helpem mi mo papa blong mi. Naoia mifala i gat wan rilesensip we i moa gud. Mifala i toktok, mo hem i ringim mi taem hem i go long kantri hom blong hem, Macedonia, blong mi save toktok wetem famli blong mi long ples ia.

Oltaem Jisas Kraes i paoa blong mi. Taem mi bin gat ol bigfala jalenj long skul o hom, oltaem Hem i stap long ples ia from mi. Oltaem mi filim se Hem i stap wetem mi.

Mi glad tumas we mama blong mi i introdiusum Jos long mi mo long God, from we i bin helpem mifala bigwan truaot long ol yia. Oltaem God mo Jisas Kraes i stap lukaot long yumi.