Te mau pāpa’ira’a mo’a—te niu nō te fa’aro’o

’Aita i maoro a’enei, ’ua ’ite māua tā’u vahine ’o Mary i te hō’ē piriaro ma te hōho’a o te hō’ē buka ’e teie parau i mua : « Te mau buka : Te taiha’a mau rima mātāmua. » […]

Te fāito pūtē ānei ’aore rā te nūmeri, e fa’afāna’o te Bibilia mo’a ’e te Buka a Moromona : Te tahi fa’ahou ’ite nō Iesu Mesia, i te arata’ira’a pae vārua ’e te ha’api’ira’a a Iesu Mesia, te Fa’aora o te ao nei […]

Mai tā’u i parau, ’ua feruri noa ana vau i terā mana’o nō te taiha’a mau rima mātāmua—’o te hō’ē buka. ’Ātīrā noa atu, tē ’ite nei au i te faufa’a rahi roa ’ino o te natirara nā te ao nei i teie mahana […] E mauiha’a pūai rahi te natirara nō te ha’api’i i te ’evanelia. I teienei, e rave rahi te ta’ata e fa’a’ite i te ’īrava pāpa’ira’a mo’a i te hoa maoti te rāve’a rorouira ’āpī […]

Tē ha’api’i nei te mau pāpa’ira’a mo’a ia tātou ’ia feruri maita’i ’e ’ia pa’ari tō tātou i roto i te mau mea ato’a. E nehenehe te natirara e fa’a’ohipahia ma te maita’i ’aore rā nō te vāvāhi […]

’Eiaha te parura’a mātēria vi’ivi’i ’e te mana’o ’ino ’e te parauti’a ’ore […] ’A fa’a’ī i tō ’outou orara’a i te mau mana’o maitata’i ’e te parauti’a ; ’a vai ’oa’oa ; ’a ’ārearea ’eiaha rā te ’ohipa ma’ama’a. E mea ta’a ’ē ïa […] Nā ni’a roa atu, ’a utuhi tāmau ia ’outou i roto i te Buka a Moromona, ’o tē fa’atae mai i te Vārua i roto i tō ’outou orara’a ma te tauturu ia ’outou ’ia hāro’aro’a i te parau mau ’e te hape.

Tā’u parau a’o ia rātou tei hahi ’ē noa atu i te ’ē’a nō te fafaura’a, e ho’i mai i te mau pāpa’ira’a mo’a, i te arata’ira’a a te peropheta, i te ha’apa’ora’a fa’aro’o i te fare, ’e i te pehe nō te fa’aro’o. E mea faufa’a te vairua tāta’itahi nō te Fatu. Tē hina’aro nei mātou ia ’outou ! Tē hina’aro nei te Fatu ia ’outou, ’e tītauhia oia nō ’outou ! E fa’ari’i-noa-hia ’outou.