Tuha’a purera’a nō te po’ipo’i mahana mā’a
’A ora mai te au i tō ’outou mau ha’amaita’ira’a
Hu’a parau
E fa’ati’a te mau ’ōro’a o te autahu’ara’a ’e te mau parau fafau o te fafaura’a i te Atua ’ia ha’amo’a ia tātou ’e ’ia fa’atupu i te mau ’ohipa māere i roto i tō tātou orara’a. Nāhea rā te reira ’ia tupu mai ?
’A tahi, e ti’a i te hō’ē ’ōro’a ’ia ravehia nā roto i te mana nō ’ō mai i te Tamaiti a te Atua, nō te fa’atupu mai i te mana o te Atua i roto i tō tātou orara’a […]
’A piti, ’aita tātou e rave noa i te mau parau fafau o te fafaura’a—e ti’a ia tātou ’ia ha’apa’o i te reira […]
’A ha’api’ihia ai te peropheta Iosepha nō ni’a i te huru o te mau tāviri, te mau tōro’a, te mau ’ōro’a, ’e e nāhea ’ia tauturu i roto i te tāvinira’a o te autahu’ara’a, ’ua hōro’a mai te Fatu iho, nā roto i tāna peropheta, i te hō’ē heheura’a ia Emma […]
Mai te mea e tai’o māite tātou i te tuha’a 25, e ’ite tātou i te hō’ē haerera’a i mua faufa’a roa e tupu ra. E haere atu Emma mai tōna ti’ara’a ’ei hō’ē tamāhine i roto i te bāsileia ’ei « vahine mā’itihia » ’e i muri iho ’ei ari’i vahine. ’Ia tū’atihia te mau ’ōro’a o te autahu’ara’a a Aarona ’e a Melehizedeka ’e te ha’ap’ora’a i te mau parau fafau o tāna (Emma) mau fafaura’a, e fa’arahi atu ā tōna auhoara’a ’e te Vārua ’e te mau melahi, ma te fa’ati’a iāna ’ia hāhaere nā roto i tōna orara’a ’e te arata’ira’a hanahana […]
[…] Teie te tahi mea ’o tā’u e hina’aro ’ia māramarama te tamāhine tāta’itahi i roto i te bāsileia.
« ’A ora mai te au i tō ’outou mau ha’amaita’ira’a. »
’A ha’api’i mai nāhea te mau ’ōro’a o te autahu’ara’a ’e te mau parau fafau o te fafaura’a ’ia fa’ati’a i te mana o te Atua ’ia tahe mai i roto i tō ’outou orara’a ma te pūai rahi maita’i a’e, ma te ’ohipara’a i roto ’e nā roto ia ’outou, ma te hōro’ara’a i te mau rāve’a ’e ma te fa’amauiha’ara’a ia ’outou nō te tāpae i tā ’outou fā ’e tō ’outou fāito pūai hope […]
E roa’a ia tātou pā’āto’a te hōro’a o te mana o te Atua.
I te mau taime ato’a ’a rave ai tātou i te ’ōro’a mo’a.
I te mau taime ato’a ’a tomo ai tātou nā te ’ūputa o te hiero.
’O teie te ’ohipa fa’ahiahia roa a’e nō tā’u sābati. Nō reira vau e fa’aherehere maita’i ai i tā’u parau fa’ati’a nō te hiero.
« I roto i te mau ’ōro’a nō te reira te mana nō te huru Atua e fa’a’itehia mai ai. » [Te Ha’api’ira’a Tumu ’e te mau Fafaura’a 84:20].