E ho’i fa’ahou mai te Fatu ’o Iesu Mesia

Tē ha’avitiviti mau nei te Fatu i tāna ’ohipa.

E aha tātou e patu ai i te mau hiero mai teie huru te vitiviti ? Nō te aha ? Nō te mea ’ua fa’aue mai te Fatu ia tātou ’ia nā reira. E tauturu te mau ha’amaita’ira’a o te hiero i te ha’aputuputura’a ia Iseraela i nā pae e piti o te pāruru. E tauturu ato’a teie mau ha’amaita’ira’a ’ia fa’aineine i te hō’ē nuna’a ’o tē tauturu i te fa’aineinera’a i te ao nei nō te tae-piti-ra’a mai o te Fatu ! […]

Teie tā’u parau fafau ia ’outou : Te feiā e ’imi mau ia Iesu Mesia, e ’ite rātou iāna i roto i te hiero […]

’Ua ha’api’i mai au ē, te uira’a faufa’a roa a’e ’o tei tītauhia i te ta’ata tāta’itahi ’ia pāhono, teie ïa : E hōro’a vau i tō’u orara’a ia vai ra ’aore rā i te aha ?

Tā’u fa’aotira’a ’ia pe’e ia Iesu Mesia, ’o te fa’aotira’a faufa’a roa a’e ïa tā’u i rave […] ’Ua tauturu ato’a te reira iā’u ’ia ’aro i te mau vero o te orara’a […]

Tē fa’aitoito atu nei au ia ’outou ’ia fa’ata’a i te taime i te hepetoma tāta’itahi—nō te toe’a o tō ’outou orara’a—nō te fa’arahi i tō ’outou hāro’aro’ara’a i te tāra’ehara a Iesu Mesia […]

’Ua rave Iesu Mesia i ni’a iāna iho i tā ’outou mau hara, tō ’outou mau māuiui, tō ’outou mau ’oto, ’e tō ’outou mau paruparu. ’Aita e tītauhia ia ʼoutou ’ia amo i te reira ’outou ana’e ! […]

’Aita i vave roa, ’aita ato’a i maoro roa, nō ’outou ’ia riro ’ei pipi ha’apa’o maita’i nā Iesu Mesia […]

E au mau taea’e, ’e e au mau tuahine here, e tae mai te mea maita’i roa a’e, nō te mea e ho’i fa’ahou mai te Fa’aora ! E tae mai te mea maita’i roa a’e, nō te mea tē ha’avitiviti nei te Fatu i tāna ’ohipa. E tae mai te mea maita’i roa a’e, ’ia fāriu hope roa ana’e tātou i tō tātou ’ā’au ’e tō tātou orara’a ’ia Iesu Mesia ra.