’Ia mo’a tō Iehova i roto i te orara’a tāmahana

’Ati a’e ia tātou e mau rāve’a nō te ’ata, nō te mana’o au ’e nō te hi’o ma te mata māuruuru. E ’evanelia nō te ’oa’oa ’e nō te mo’ara’a tā tātou i roto i te orara’a tāmahana. E fa’ata’a te mo’ara’a i te mau mea nō te hō’ē fā mo’a. E tītau manihini ato’a rā te mo’ara’a ia tātou ’ia tūtau i te orara’a tāmahana i roto i te mea mo’a—nō te ’oa’oa i te faraoa tāmahana i roto i te tātarāmoa ’e te mōtu’u o teie nei ao. Nō te haere nā muri i te Fatu, tītau-roa-hia ia tātou ’ia riro mai ’ei ta’ata mo’a, inaha e mea mo’a ’oia, ’e nō te tauturu ia tātou ’ia riro ’ei ta’ata mo’a, tē ani mai nei te Fatu ’ia haere nā muri iāna.

E ’aro te ’utuāfare nō te fa’aro’o ’e te ’oire nō te feiā mo’a i te vai-’āta’a-ra’a ’e te naho’a mana’o mo’emo’e. ’Ia mo’a tō Iehova, ’o te reo ’aita ïa i te huru noa, ’aita i te ’aravihi fa’ati’o ia vetahi ’ē, ’aita i te mau fa’anahora’a rorouira e ha’afaufa’a haere i te riri ’e te hi’o-pae-ra’a. ’Ia mo’a tō Iehova, ’o te reo ’ē ïa i tei mo’a ’e te mana’o tura, ’ē i te rirora’a ’ei tō tātou iho fāito ti’amā roa a’e, te poupou roa a’e, te ha’avare ’ore roa a’e, te maita’i roa a’e, ’a pe’e ai tātou iāna ma te fa’aro’o.

’Ia mo’a tō Iehova, e ha’amo’a ïa i te orara’a tāmahana. E ha’afātata te reira ia tātou ma te ’oa’oa rahi a’e i te Fatu ’e i te tahi ’e te tahi, ma te fa’aineine ia tātou ’ia ora ’e te Atua tō tātou Metua, ’e Iesu Mesia, ’e tō tātou feiā here iti.

E nehenehe ia tātou ’ia putapū i tōna here ’a rave ai tātou ’ia mo’a tō Iehova i te mahana tāta’itahi, ma te poupou ē a muri noa atu.