E ’imi i te pāhonora’a nō te mau uira’a pae vārua

’Ia ui tātou i te mau uira’a ’e ’imi i te aura’a, e mau rāve’a mātāmua te reira i teie orara’a tahuti […] E aroha rahi tō te fa’anahora’a a te Atua i te parau nō te tā’ōtira’a o te ta’ata nei ; e hōro’ahia nō tātou i te hō’ē Fa’aora, Iesu Mesia ho’i, ’ia riro ’ei tīa’i māmoe maita’i ; ’e e arata’i i tā tātou fa’a’ohipara’a i te ti’amāra’a ’ia mā’iti iāna […]

Te rāve’a mātāmua tā te Atua ’e tāna Tamaiti nō te hōro’a i tō rāua pa’ari ia tātou, o te anira’a ïa tātou i te mana o te Vārua maita’i ’ia riro ’ei ’orometua ha’api’i nō tātou ’a fa’atumu ai tātou ia Iesu Mesia i roto i tō tātou orara’a ’e te tuatāpapara’a i tā rāua nā pāhonora’a ’e tō rāua hina’aro […]

’Ua parau mai te Fatu ia tātou, nā roto i tō tātou ha’apa’o ’e te fa’aitoito, e noa’a ai ia tātou te ’ite ’e te māramarama. ’Aita te mau ture ’e te fa’auera’a a te Atua i hāmanihia ’ia riro ’ei ha’afifira’a i tō tātou orara’a, ’ia riro rā ’ei ’ūputa mana nō te heheura’a ta’ata hō’ē ’e te ha’api’ira’a pae vārua […]

[…] E ha’amaita’ira’a te ti’ara’a ’o Iesu Mesia nō tātou, ’oia ho’i te Fatu o te Fa’aorara’a. E nehenehe tō tātou ha’apa’ora’a i te ture ’e te fa’auera’a a te Atua e ’iriti i te ’ūputa ’ia ti’a i te Fa’aora e hōpoi mai te māramarama ’e te fa’aorara’a tāna e mana’o e hina’aro tātou, ’ia au i tāna tārēna nō tātou.

Te mau hoa here, fa’a’ite pāpū nei au ē, e pāhono mai te Metua i te ao ra ’e Iesu Mesia i tā tātou mau uira’a o te ’evanelia, ma te hōro’ara’a i te mau rāve’a nō te tauturu ’ia tupu i te rahi […] ’Ia tu’u-ana’e-hia tō ’outou ti’aturira’a i te Metua i te ao ra ’e i tāna mau peropheta ’o tāna i tono mai nō te tauturu ’ia fa’ateiteihia tō ’outou pae vārua ’e nō te tūra’i atu ia ’outou i mua atu i tō te Atua ’iriātai.