Te ’oa’oa o tō tātou fa’aorara’a

E fa’ati’a te tātarahapa ia tātou ’ia putapū i te here o te Atua ’e ’ia mātau iāna ’e ’ia here iāna ma te rāve’a e’ita roa tātou e ’ite i nā mua a’enei […]

’Ua ’ite au ē e mea pūai tō tātou Fatu ’e Fa’aora ’o Iesu Mesia nō te fa’aora […]

E mana’o paha ’outou i te tahi taime ē e’ita roa ’outou e fa’aorahia, ē penei a’e tei rāpae ’outou i te here o te Atua ’e i te mana tāra’ehara o te Fa’aora, te tumu nō te mea tā ’outou e ’aro nei ’aore rā nō te ’ohipa tā ’outou i rave. Tē fa’a’ite pāpū nei rā vau ē, ’aita ’outou i ātea i te rima o te Fatu […]

’A ora ai tātou i tā tātou mau fafaura’a, e nehenehe te Fatu e hōro’a mai ia tātou i te tauturu ’e te mana e hina’arohia e tātou nō te ’ite mai ’e nō te fa’a’oroma’i i tō tātou mau paruparu, ’oia ato’a i te tirotiro pae vārua o te te’ote’o […]

[…] Tō tātou hina’aro i te fa’aorara’a ’e te tauturu e ’ere ïa i te hō’ē fa’ateimahara’a nōna, e tumu mau rā nō tōna haerera’a mai […]

Tē hi’o nei tō tātou Metua i te ao ra ’e te Fa’aora ia ’outou. ’Ua ’ite rāua i tō ’outou ’ā’au. Tē ha’ape’ape’a nei rāua i te mea tā ’outou e tāu’ahia nei tae noa atu i te feiā tā ’outou e here nei […]

Mai te mea tei roto ’outou i te hō’ē tupura’a ’o tā ’outou i mana’o ’ua fa’a’oroma’i a’ena ’outou, ’eiaha e tāora i te tauera. ’A fa’a’oroma’i ia ’outou iho, ’a ha’apa’o i tā ’outou mau fafaura’a, ’a tātarahapa pinepine, ’a ’imi i te tauturu o tō ’outou feiā fa’atere mai te mea e hina’arohia, ’e ’a haere tāmau i te fare o te Fatu mai tā ’outou e nehenehe. ’A fa’aro’o ’e ’a ha’apa’o māite i te mau muhumuhu tāna e fa’atae ia ’outou. E’ita ’oia e fa’aru’e i tōna aura’a o te fafaura’a ’e ’outou […]

Te mahana tāta’itahi e mahana ’āpī ïa tei ’ī i te tīa’ira’a ’e te mau rāve’a maoti ’o Iesu Mesia.