Pe’e i te Mesia

E ’ere te pe’era’a i te Mesia i te ’ohipa tāu’a ’ore ’e nō te tahi ri’i noa taime. E parau fafau tāmau ’e e huru orara’a e tano i te arata’i ia tātou i te mau taime ato’a ’e i te mau vāhi ato’a. ’O tāna mau ha’api’ira’a ’e tōna hi’ora’a te ’ē’a nō te mau pipi ato’a a Iesu Mesia […]

E hōro’a te mau fa’auera’a a te Atua i te pūai arata’i ’e te ha’amau i roto i tō tātou orara’a […]

E au ē, e ha’api’ira’a ’ē a te Fa’aora tei tītauhia ’ia tūra’i-fa’ahou-hia te parau i mua i te huru o tō tātou nei tau.

E tau teie nō te mau parau teimaha ’e te ha’apēpē i roto i te mau tūreiara’a i mua i te ta’ata ’e i te tahi taime i roto ato’a i tō tātou mau ’utuāfare […]

E aha tē tano i te feiā ’āpe’e i te Mesia ’ia ha’api’i i te ta’ata ’e ’ia rave i teie tau nō te tūreiara’a ta’ero ? E aha nei tāna mau ha’api’ira’a ’e te hi’ora’a maita’i ? […]

Tītauhia ’ia here ’e ’ia hāmani maita’i i te tā’āto’ara’a. Tītauhia ’ia ’ape i te mārō ’e ’ia vai ’ei fa’atupu hau i roto i tā tātou mau tūreiara’a ato’a. E ’ere ïa nō te ha’afifira’a i tō tātou mau parau tumu ’e te mau ’ohipa e rave mātāmua roa, nō te fa’aea rā i te ’aro teimaha i te ta’ata nō tō rātou. ’O te mea ïa tā te Hōho’a maita’i roa e pe’e nō tātou i rave i roto i tāna tāvinira’a. ’O te hi’ora’a ïa tāna i ha’amau nō tātou i te anira’a ia tātou ’ia pe’e iāna […]

Tātou te feiā ’āpe’e i te Mesia, e ha’api’i tātou i te ta’ata ’e e parau pāpū tātou nō Iesu Mesia, te Hōho’a maita’i roa e pe’e nō tātou. Nō reira, pe’e ana’e iāna nā roto i te fa’aru’era’a i te mārō. ’A ’imi noa ai tātou i te tītau i tā tātou mau ture au a’e nō te orara’a huira’atira, fa’aineine ana’e nō tāna mau ha’amaita’ira’a nā roto i te reo ’e te rāve’a a te feiā fa’atupu hau. I roto i tō tātou mau ’utuāfare ’e te tahi atu mau tā’amura’a ’e te feiā piri ia tātou, ’ape ana’e i te parau teimaha ’e te tāiroiro.