Մովսես մարգարեն

Մովսեսը իսրայելացի էր, բայց նրան մեծացրել էր փարավոնի դուստրը Եգիպտոսում։ Մովսեսը տխուր էր, որ եգիպտացիները դաժան էին վարվում իսրայելացիների հետ և նրանց իրենց ստրուկներն էին դարձրել։

Մի օր Մովսեսը տեսավ, թե ինչպես մի եգիպտացի ծեծում է մի իսրայելացու: Մովսեսը պաշտպանեց իսրայելացուն։

Երբ փարավոնն իմացավ այդ մասին, նա հրամայեց սպանել Մովսեսին, սակայն Մովսեսը փախավ Եգիպտոսից:

Մովսեսը եկավ մի վայր, որի անունն էր Մադիամի երկիր, և այնտեղ նա հանդիպեց Սեպփորա անունով մի կնոջ: Նրանք ամուսնացան և երեխաներ ունեցան:

Մադիամի երկրում ապրելիս Մովսեսը տեսավ մի վառվող թուփ, սակայն կրակը չէր այրում թուփը: Տերը հայտնվեց կրակի մեջ և խոսեց Մովսեսի հետ։

Տերն ասաց, որ գիտի, թե ինչպես են իսրայելացիները տանջվում Եգիպտոսում: Նա պատվիրեց Մովսեսին վերադառնալ Եգիպտոս և խնդրել փարավոնին ազատ արձակել իսրայելացիներին: Տերն ասաց, որ կօգնի Մովսեսին ազատել իսրայելացիներին և առաջնորդել նրանց դեպի խոստումի երկիր։