Մովսես մարգարեն

Մովսեսը մեծացավ որպես Փարավոնի դստեր որդի: Մովսեսը տեսավ, որ եգիպտացիները դաժան էին վարվում իսրայելացիների հետ: Նա վշտացած էր, որ եգիպտացիներն իսրայելացիներին ստրուկ էին դարձրել:

Ելից 2.10-11

Մի օր Մովսեսը տեսավ, թե ինչպես մի եգիպտացի ծեծում է մի իսրայելացու: Իսրայելացուն պաշտպանելիս Մովսեսը սպանեց եգիպտացուն:

Ելից 2.11-14

Երբ Փարավոնն իմացավ այդ սպանության մասին, նա հրամայեց սպանել Մովսեսին, սակայն Մովսեսը փախավ:

Ելից 2․15

Մովսեսը եկավ մի վայր, որի անունն էր Մադիամի երկիր, և այնտեղ նա հանդիպեց Սեպփորա անունով մի կնոջ: Նրանք ամուսնացան և երեխաներ ունեցան:

Ելից 2.21-22

Մադիամի երկրում ապրելիս Մովսեսը տեսավ մի վառվող թուփ, սակայն կրակը չէր այրում թուփը: Տերը հայտնվեց կրակի մեջ և խոսեց Մովսեսի հետ։

Ելից 3.1-6

Տերն ասաց, որ Ինքը գիտի, թե ինչպես են իսրայելացիները տանջվում Եգիպտոսում: Նա հրամայեց Մովսեսին վերադառնալ Եգիպտոս և խնդրել Փարավոնին ազատ արձակել իսրայելացիներին: Տերն ասաց, որ Ինքը կօգնի Մովսեսին ազատել իսրայելացիներին և առաջնորդել նրանց դեպի խոստումի երկիր։

Ելից 3․7-18