Տերը խոսում է Եղիայի հետ

Թագավոր Աքաաբը թագուհի Հեզաբելին պատմեց, որ Տերը ջախջախել է Բահաղի քահանաներին։ Հեզաբելը զայրացավ և ասաց, որ կսպանի Եղիա մարգարեին:

Գ Թագավորաց 19․1-2

Եղիան իր կյանքը փրկելու համար հեռացավ Իսրայելից: 40 օր ու 40 գիշեր նա քայլեց՝ ճանապարհին ծոմ պահելով: Այնուհետև հասնելով Սինայ լեռան մոտ նա մի քարայր գտավ, որտեղ կարող էր թաքնվել: Տերը Եղիային ասաց, որ բարձրանա լեռան գագաթը, որպեսզի Նա կարողանար խոսել Եղիայի հետ:

Գ Թագավորաց 19․3, 8-11

Ուժգին քամի բարձրացավ և քարանձավի քարերը կտոր-կտոր արեց: Դրանից հետո երկրաշարժը ցնցեց գետինը։ Հետո հրդեհ սկսվեց: Եղիան լսեց քամու, երկրաշարժի և կրակի բարձր ձայները: Բայց Տիրոջ ձայնը այդ բարձր ձայների մեջ չկար:

Գ Թագավորաց 19.11-12

Այնուհետև Եղիան լսեց մեղմ հանդարտ ձայն: Նա գիտեր, որ դա Տերն էր: Տերը հարցրեց Եղիային, թե ի՞նչ է նա անում այդտեղ:

Գ Թագավորաց 19.12-13

Եղիան ասաց, որ թաքնվում է կյանքը փրկելու համար։ Բոլոր մարգարեները սպանվել էին, մարդիկ մերժել էին Տիրոջը:

Գ Թագավորաց 19.14

Տերը մխիթարեց Եղիային և ասաց նրան, որ կան շատ իսրայելացիներ, որոնք երկրպագում են Տիրոջը: Տերը Եղիային խնդրեց վերադառնալ տուն և մի նոր մարգարե գտնել: Այդ նոր մարգարեի անունը Եղիսե էր:

Գ Թագավորաց 19.15-18