Կիսվել բարի լուրով

Մի պայծառ Սուրբ Զատիկի կիրակի Ռայանը վաղ արթնացավ և վազեց խոհանոց։ Նա զգում էր կոկոսի և համեմունքների հոտը այն մահամրիի, որը մայրիկը հենց նոր էր պատրաստել։ Ռայանը համտեսեց փափուկ եռանկյունաձև բլիթներից մեկը։ «Մայրի՛կ, Սուրբ Զատիկն է։ Կարո՞ղ ենք դիտել Հիսուսի ֆիլմը»,- հարցրեց նա լայն ժպիտով։

Մայրիկը նայեց նրան և ժպտաց: «Իհարկե»։

Ռայանի կրտսեր եղբայրը՝ Լիամը, դուրս վազեց, մինչ մայրիկն ու Ռայանը նստեցին ֆիլմը դիտելու։

Նրանք տեսան, թե ինչպես Հիսուս Քրիստոսը հրաշքներ գործեց և մարդկանց ծառայեց։ Ապա, երբ մարդիկ ցավ պատճառեցին Հիսուսին, Ռայանի աչքերը լցվեցին արցունքներով։

«Մայրի՛կ, ինչո՞ւ այդպես վարվեցին Հիսուսի հետ»,- տխուր հարցրեց նա։

«Նա ընտրեց տառապել մեզ համար»,- ասաց մայրիկը։ «Նա մեզ շատ է սիրում, Ռայան։ Նա մահացավ, որպեսզի մենք կարողանանք կրկին ապրել»։

Երբ ֆիլմում ցուցադրվեց Հիսուս Քրիստոսի Հարությունը, Ռայանը ժպտաց։ «Նայի՛ր, մայրիկ։ Նա կրկին ապրում է»։

«Ճիշտ է»,- ասաց մայրիկը։ «Նա հարություն առավ։ Ճիշտ այնպես, ինչպես հրեշտակն ասաց Աստվածաշնչում»։

Ավելի ուշ Ռայանը դուրս գնաց խաղալու։ Նա տեսավ Լիամին, ով փայտիկներով խաղում էր մանգոյի ծառի տակ։

«Լիա՛մ, ուզում եմ քեզ պատմել մի հրաշալի պատմություն»,- ասաց Ռայանը։

Լիամը սպասեց, մինչ Ռայանը նստեց մանգոյի ծառի տակ։ «Այն մեքենարերի մասի՞ն է»:

«Ոչ։ Ավելի լավ պատմություն է»,- ասաց Ռայանը։ «Այն Հիսուսի մասին է։ Նա մահացավ, բայց հետո Նա կենդանացավ»։

«Իսկապե՞ս»,- հարցրեց Լիամը։

«Այո։ Հրեշտակն ասաց․ «Նա այստեղ չէ, որովհետև հարություն առավ»։ Դա նշանակում է, որ մենք ևս կարող ենք կրկին ապրել»։

«Հրաշալի՜ է»,- ասաց Լիամը։ «Հիսուսը իսկապես ուժեղ է»։

Ռայանը գլխով արեց։ Նա մտածեց այն մասին, թե որքան է Հիսուս Քրիստոսը սիրում իրեն։ Դա նրա սիրտը լցրեց ուրախությամբ։ Նա բարի լուրը կիսել էր իր ընտանիքի հետ, և դա նրա Սուրբ Զատիկը դարձրեց ավելի յուրահատուկ։

Բացել PDF-ը

Նկարները՝ Մարգարիդա Էստիվեսի։ Կարող է պատճենվել միայն Եկեղեցու օգտագործման համար։