Սուրբ Զատիկի ծածկոցներ

Ավստրալիայի Փերթ քաղաքի Երեխաների միությունը կիսվեց Հիսուսի ջերմությամբ՝ ծածկոցներ տալով իրենց ծխի տարեց կանանց։ Ավստրալիայում Սուրբ Զատիկի ժամանակ ջերմաստիճանը սկսում է իջնել աշնանը՝ նախքան ձմռան գալը։ Սուրբ Զատիկի առավոտյան երեխաներին հաճախ նվիրում են ձմեռային նոր տաք գիշերանոց՝ շոկոլադե ձվերով։ Տաք գիշերանոցներն ու ծածկոցները կարող են մեզ հիշեցնել Հիսուս Քրիստոսի սիրո ջերմության մասին։

1. Նրանք միասին գնացին խանութ՝ ծածկոցներ ընտրելու։

2. Նրանք նաև պատրաստեցին ծաղիկներ, ներկեցին Սուրբ Զատիկի փայտե ձվեր և զարդարեցին բացիկներ՝ ծածկոցների հետ նվիրելու համար։

3. Ապա նրանք բաժանեցին ծածկոցները։ Նրանք վայելում էին միասին աշխատելը՝ Սուրբ Զատիկի ժամանակ Փրկչի սերը ուրիշներին հասցնելով։

Ահա այն նամակը, որը երեխաներն ուղարկում էին ծածկոցների հետ։

Ինձ դուր եկավ միասին ինչ-որ բան անելը։ Գնումներ կատարելը լավագույն պահն էր, երբ մենք հնարավորություն ունեցանք ընտրել ծածկոցների գույները։ Դա զվարճալի և երջանիկ փորձառություն էր։

Ռոբերտ Դ., 9 տարեկան

Մեզ դուր էր գալիս տեսնել մեր ծխի կանանց ժպտացող դեմքերը, երբ նրանց ծածկոցներ էինք տալիս։

Միկա և Հայրում Մ., 10 և 8 տարեկան

Ես շատ ուրախացա՝ մեր ծխի տարեց մարդկանց համար ինչ-որ լավ բան անելով։

Միլեյ Ն., 8 տարեկան

Բացել PDF-ը

Նկարները՝ Սոֆի Լորեն Մորանի։ Կարող է պատճենվել միայն Եկեղեցու օգտագործման համար։