Ариун долоо хоногийн аялал

Далдуу модны ням гарагт хүмүүс Есүс Христтэй Иерусалимд ирэхэд нь Түүнтэй мэндчилжээ. Тэд Түүний ирснийг тэмдэглэн “Хосанна” гэж хашгирав. Хосанна гэдэг нь “биднийг авраач” гэсэн утгатай еврей үг юм.

Сүүлчийн зоогийн орой Есүс шавь нарынхаа хөлийг угаав. Тэрбээр бидэнд дагавал зохих даруу үйлчлэлийн үлгэр жишээг үзүүлсэн.

Есүс Христ Гетсеманийн цэцэрлэгт залбирч, хүн бүрийн зовлон, бэрхшээлийг мэдэрсэн. Тэрээр бидний нүглүүдийн улмаас зовсон.

Ариматын Иосеф Есүс Христийг нас барсны дараа биеийг нь авч хүндлэл үзүүлж болох эсэхийг асуужээ. Иосеф Есүсийг амар амгалан нойрсуулахын тулд өөртөө зориулан янзалсан байсан булшинд биеийг нь тавив.

Магдалын Мариа бол Аврагчийг амилсных нь дараа харсан анхны хүн юм. Тэр төлөөлөгчдөд уг сайн мэдээг дуулгахаар гүйв!

Нас барсныхаа дараа Есүс Христ дэлхийн эргэн тойронд байх “өөр хонинууд” дээрээ зочилсон. Түүний очсон нэг газар бол Америк тив байлаа. Тэд Түүний гар, хөлөн дээрх сорвиудыг тэмтэрч, Түүнийг амилсан Аврагч гэдгийг мэдсэн юм.