Atamu ma Eva

O Atamu ma Eva o fanau a le Tama Faalelagi na muai ola i lenei lalolagi. Sa laua nonofo i le Faatoaga o Etena.

E tasi le laau na le mafai ona la aia ae sa faatagaina i la’ua e aai i fua o laau uma. Afai la te aia le fua o le laau e iloa ai le lelei ma le leaga, o le a aveesea i la’ua mai le faatoaga ma o le a oti lava. Ae sa pepelo Satani ia i laua. Sa fai atu o ia afai la te aai i le fua o le laau, o le a la iloa le lelei ma le leaga ma o le a le oti i la’ua.

Sa filifili Eva e ai le fua o le laau.

Ona ia tuuina atu lea o se vaega o le fua ia Atamu. Na ia filifili foi e ai.

Sa asiasi atu le Atua ma Iesu Keriso ia i la’ua, ae na lalafi Atamu ma Eva ona ua fefefe. Sa fesili atu le Atua pe na laua ’aia ni fua mai le laau.

Fai mai Atamu ma Eva na la aia le fua. O lea la ua tatau ona la tuua le Faatoaga o Etena. Ae sa i ai se fuafuaga a le Atua mo i laua. Ua la iloa nei le lelei mai le leaga ma o le a maua ni fanau.

Sa folafola atu e Atamu ma Eva e usitai i poloaiga a le Atua. Sa laua aoao atili e uiga i le Alo o le Atua, o Iesu Keriso. Sa la’ua fiafia i laua ona o le a Ia fesoasoani i lo la aiga e toe foi atu i le Atua.