Mea Malie o MauFaalevaiaso

Atatusi o tala mai le Feagaiga Tuai, e aofia ai le vaa o Noa, o Tulafono e Sefulu, ma lane mai mala e 10

29 Tesema–4 Ianuari

Faatomuaga i le Feagaiga Tuai

O loo Aoao mai le Feagaiga Tuai e uiga ia Iesu Keriso

Pese: “Tau Mai Tala ia Iesu” (Tusipese a Tamaiti, 36)

Mau: Isaia 9:6

Gaoioiga: E mafai ona tatou aoao e uiga ia Iesu Keriso a o tatou faitau i le Feagaiga Tuai. Alu i le itulau 49 e fai faatasi se gaoioiga sue mau. Pe filifili se tasi o mau e faitau faatasi.

5–11 Ianuari

Mose 1: Aperaamo 3

O Fanau Uma a le Atua

Atatusi o tamaiti o loo savavali i luga o se ogalaau

Pese: “O Au o se Atalii o le Atua” (Tusipese a Tamaiti, 2)

Mau: Mose 1:4

Gaoioiga: Na ta’u atu e le Atua ia Mose, “O oe o lo’u atalii” (Mose 1:4). O i tatou uma o fanau a le Tama Faalelagi! Mafaufau i se tasi e manaomia se faamanatu o i latou o se atalii/afafine o le Atua. Usu pe tata mo i latou le pese “O Au o se Atalii o le Atua” (Tusipese a Tamaiti, 2).

12–18 Ianuari

Kenese 1–2; Mose 2–3; Aperaamo 4–5

O Iesu Keriso Na Foafoaina le Lalolagi

Pese: “E Alofa Lo’u Tama Faalelagi Ia Te A’u” (Tusipese a Tamaiti, 16)

Mau: Mose 2:1

Gaoioiga: I lalo o le taitaiga a le Tama Faalelagi, na foafoaina ai e Iesu Keriso le lalolagi (tagai le Mose 2:1). O le a se foafoaga matagofie e te faafetai ai? Fai le galuega taulima o le lalolagi i le itulau e sosoo ai! E mafai ona e lolomiina nisi kopi mo lou aiga. Oti ese ma tautau i se mea e faamanatu atu ai ia te oe na foafoaina e le Atua le lalolagi mo oe ona e alofa o Ia ia te oe.

Foafoaina o le Lalolagi

Na foafoaina e le Tama Faalelagi ma Iesu Keriso le lagi ma le lalolagi ma mea uma o iai. Faaaoga vali, vali tamatamailima, po o fasipepa ua saesaeina e valivali ai le laueleele ma sami i luga o le fogaeleele.

19–25 Ianuari

Kenese 3–4; Mose 4–5

Faia o Filifiliga lelei

Atatusi o se tamaitiiti o loo moaina le vao

Pese: “Filifili le Ala Sa’o,” (Tusipese a Tamaiti, 82.)

Mau: Mose 4:3

Gaoioiga: Na tuuina mai e le Atua ia i tatou le meaalofa o le faitalia (tagai le Mose 4:3). O le faitalia o le mana lea e fai ai filifiliga. E mafai ona e faia filifiliga lelei e ala i le mulimuli ia Iesu Keriso ma auauna atu i isi. Auauna atu i se tasi ma lou aiga. Ona tusi lea ma ’oti ese se alofilima, tusi e uiga i le mea na e faia, ma auina atu i le Uo! Aoao atili i le itulau e 13.