Meaai & Mea Malie

E alolofa tele le Tama Faalelagi ma Iesu Keriso ia te oe! Fai lenei kata malie e ta’u atu ai i se tasi e te alofa foi ia i latou.

1. Gaulua se fasi pepa i le afa.

2. Tuu lou tamailima laitiiti i luga o le gagau ma lolomi lou lima.

3. Oti faataamilo i le pito i fafo. Aua le otiina e ala atu i le gagau!

4. Tatala lau kata ma tusitusi pe tusi se ata o se savali agalelei i totonu mo se tasi.

Tuu ni laualuga e te filifilia i luga o se totila. E mafai ona e faataitaia le pata pinati ma le sieli [jelly], peparoni ma le sisi, laupele ninii ma le pipī, po o le a lava le mea e te fiafia i ai! Ona taai lea o le totila ma tipi faaeteete i ni fasi vaega. Ona tufa atu loa lea ma le itu taavili e pito i luga.

Ao i ai Iesu Keriso i le lalolagi, na Ia alofa ma auauna atu i tagata uma. E mafai ona tatou mulimuli i Lana faataitaiga i le asō. Na faapefea ona e auauna atu i se tasi?

Pe a ou fesoasoani i se tasi e lagona e pei e mitamita ma fiafia le Tama Faalelagi.

Felix G., 11 tausaga, Itumalo o Kisumu, Kenya

Sa ou fesoasoani i se tamaitiiti na lavea i le malae taalo. Sa ou fiafia ona sa mafai ona ou fesoasoani.

Hazel L., 7 tausaga, Kalefonia, ISA