Tomasi le Faapotopoto

O lo’u igoa o Tomasi ma o a’u o le faapotopoto.

O le tausaga lenei i le Peraimeri o loo matou aoao ai i le auala e faapotopoto ai. Sa talosagaina i matou e o matou taitai e faapotopoto o matou aiga mo le tatalo ma le suesueina o tusitusiga paia. Latou te mananao ia tatou faataitaia le faapotopotoina ina ia tatou iloa le ala e faapotopoto ai i le taimi nei ma pe a tatou tuputupu ae—i misiona, i le aoga, pe e tusa lava pe tuua na o i tatou. O lena auala e mafai ai ona tatou faapotopoto faaleagaga i taimi uma ma le Tama Faalelagi ma Iesu Keriso ma maua ai le filemu ia i Laua.

O la’u galuega o le faapotopotoina lea o lo’u aiga mo le tatalo i le taeao. Ou te fesili atu, “E mafai ona outou auai faatasi ma a’u mo se tatalo?” Ua faapotopoto i matou e lo’u uso o Henry mo le tatalo i le afiafi ma le suesueina o tusitusiga paia.

I se tasi taeao o se Aso Toonai, sa matou o vave ai e taaalo pasiketipolo. Mulimuli ane, sa matou o e fai feau. Sa faafuasei ona ou manatuaina ma fai atu, “Tina, ua galo iona tatou faapotopoto e tatalo.” Sa ia fai mai e mafai ona matou faapotopoto pe a matou taunuu i le fale. Ae sa ou fai atu, “E tatau ona tatou faapotopoto ma tatalo i le taimi nei lava!” Sa ia fai mai ia te au e fai le tatalo, ae sa pupula ona mata ona sa ia aveina le taavale.

Ua ta’u atu e Tina ma Tama ia i ma’ua ma Henry lo la faafetai i lo ma faapotopotoina o lo matou aiga mo le tatalo ma le suesueina o tusitusiga paia. Laua te fai mai o o ma’ua leo laiti e faia ai se eseesega tele i lo matou aiga. Ua la ta’u mai ia i ma’ua ona matou te faapotopoto, ua faamanuiaina ai lo matou aiga.

Ata na tusia e Augusto Zambonato