“Sauni e Savavali faatasi ma Iesu,” Uo, Ianuari 2026, 4–5.

Sauni e Savavali faatasi ma Iesu

O teineiti masaga o loo uuina se kopi o le lomiga o le Papatisoga ma le Faamauga o le mekasini o le Uo

Talofa lava!

O i maua o Hailey ma Vaioleti, o uso masaga mai Arisona, ISA. Ma’ua te mananao e mulimuli i le faataitaiga a le Faaola, o lea ua ma’ua saunia ai e papatiso!

Teineiti o loo tutu i se vaitafe faatasi ma lo laua tina ma tama

Ma’ua te fiafia e savavali i autafa o se vaitafe e latalata i lo matou fale. Pe a tatou papatiso, o le a tatou amataina se savaliga fou faaleagaga ma Iesu! O le a faatasi le Agaga Paia ma i tatou a o tatou taumafai e mulimuli i le Faaola i aso taitasi.

Teineiti o loo aoina atigifigota i luga o le auvai

O nisi taimi ma te aoina mai ni atigifigota papa’e laiti i tafatafa o le vaitafe. E faamanatu mai ai ia i ma’ua se folafolaga a le Faaola “E ui lava ina pei o ofu mūmū a outou agasala, e sinasina ia e pei o le kiona” (Isaia 1:18). Ona o Iesu Keriso, e mafai ai ona tatou salamo ma faamamaina pe a tatou faia se filifiliga sese. O le a ma ofuina ni ofu papae i lo ma’ua aso papatiso e manatua ai foi lenei mea.

Teineiti o loo togi maa i luga o le vaitafe ma lo laua tama

E lelei tele lo ma’ua tama i le togi o maa i luga o le vaitafe! O loo Ia aoaoina i ma’ua i le auala e fai ai, ma e sili teisi atu lo ma’ua lelei i taimi uma ma’ua te taumafai ai. E faapei lenei mea o le ala ua avea ai Iesu Keriso ma Faiaoga atoatoa. E finagalo o Ia e fesoasoani ia i tatou e aoao ma tuputupu ae.

Teineiti o loo savavali i le vaitafe a o uulima ma lo laua tina

O maa i totonu o le vaitafe e maseesee, ma e fesoasoani le uu o le lima o lo ma’ua tina. E i ai pea Iesu iina mo i tatou pe a tatou manaomia le fesoasoani. Ma pe a tatou papatiso, o le a tatou folafola atu e fesoasoani i isi i le ala o le a Ia faia ai!

Ma te fiafia e savavali faatasi ma lo matou aiga i le vaitafe. Pe a tatou papatiso, o le a tatou i ai i luga o le ala o feagaiga lea e toe taitai atu ai i lo tatou aiga faalelagi. E mafai ona tatou toe faatasi ma o tatou aiga e faavavau.

Ua ou fiafia lava e papatiso aua ou te fia mulimuli i le faataitaiga a Iesu. Ou te faaali atu ai i le Tama Faalelagi ou te manao e tausi poloaiga.

Violet W., 7 tausaga, Arisona, ISA

Ou te fia mulimuli ia Iesu Keriso. A uma ona ou papatiso, e mafai ona ou maua le Agaga Paia, ma e mafai e le Agaga Paia ona fesoasoani ia te au ia lototele.

Hailey W., 7 tausaga, Arisona, ISA