“E le o Toe Mamao ae Valu O’u Tausaga”

Ina ua tusa ma le ono tausaga o lo’u afafine, sa ma taumafai i le tele e mafai ai ina ia matamata o ia i papatisoga a isi tamaiti. Ina ua uma papatisoga taitasi, sa ma talanoa ia te ia e uiga i le mea na tupu. Sa ma fesoasoani ia te ia ia malamalama a lava lona matua e papatiso ai, o le a mafai ona ia faamasinoina le sa’o mai le sese. A uma papatisoga taitasi, e fai mai o ia, “E le o toe mamao ae valu o’u tausaga, ma o le a ou papatiso foi.”

Na iu lava ina atoa le valu o lo’u afafine. Sa papatisoina ma faamauina o ia. O lea ua ia maua le meaalofa o le Agaga Paia. Sa ma ta’u atu ia te ia o se tasi o auala sili e tausisia ai le Agaga Paia faatasi ma ia o le tagofia lea o le faamanatuga.

Pe a e tagofia le faamanatuga, ua e folafola atu e te manatua pea ia Iesu Keriso. O le a fesoasoani le Agaga Paia ia te oe e faia mea na aoao mai e Iesu ma faamanatu atu ia te oe mea ua e aoaoina e uiga ia te Ia i le fale ma i le Peraimeri. E talanoa mai le Agaga Paia i se leo filemu, itiiti ma o le a fesoasoani ia te oe e malamalama ai i le mea sa’o ma le mea e sese.

O lea la ua fiafia tele lo’u afafine i le faamanatuga! Ma e mafai foi e oe. A o e tagofia le faamanatuga i vaiaso taitasi ma manatua Iesu Keriso, o le a e lagona atili le Agaga Paia, ma o le a Ia faaauau pea ona taialaina oe. O le a mafai ona e manatua pea Iesu Keriso.

O Laasaga o le Feagaiga

Valivali vaaiga taitasi e mulimuli ai a o saunia le afafine o Elder Ojediran e osia ma tausia ana feagaiga o le papatisoga.

O ata na tusia e Samantha Windley