Lototoa i le Peraimeri

Saunia e Rebekah Jakeman

O se tala moni mai Austria.

Ua fefe Emily e alu na o ia i le Peraimeri. Ua ia fai atu ia Tina la te o faatasi.

“Ou te alu i la’u vasega ma aoao pe mafai faapefea ona fesoasoani Iesu ia te a’u,” o le tala lea a Tina.

“Ma e te alu i le Peraimeri ma aoao pe mafai faapefea ona fesoasoani Iesu ia te oe.”

Ua opo e Tina ia Emily. “E mafai ona fesoasoani Iesu ia i tatou, e tusa lava pe faigata.”

Ua savavali atu Tina ma Emily i le Peraimeri ma faatofa atu.

Ua latou aoao se pese e uiga ia Iesu. E fiafia Emily i le musika. E lagona e ia le saogalemu ma le fiafia.

E le o i ai Tina i le Peraimeri. Ae o loo fesoasoani Iesu ia Emily ia lototoa!