Talofa mai Filipaina! Uo, Ianuari 2026, 8–9.
Talofa mai Filipaina!
O Filipaina o se vaega o motu tetele i le Vasa Pasefika i sisifo. E silia ma le 100 miliona tagata e nonofo ai iina! O gagana aloaia o le faaFilipaina ma le Igilisi.
Atunuu o Atumotu
Ua silia ma le 7,640 motu i Filipaina. E nonofo tagata i luga o le 2,000 o na motu.
Sukalati i le Taumafanafana
O mauga sukalati o loo i le motu o Bohol. I le vaitau matutu, o nei mauga e enaena ma foliga mai o ni faaputuga lapopoa o sukalati!
O Se Aeto Tele
O le aeto Filipaina o le manulele a le atunuu ma o se tasi o aeto sili ona tele i le lalolagi.
Ofe Fagota
O tagata e tele ina faagogota iinei. O se tasi o auala latou te maua ai i’a o le tātā faapao le vai i se fasi ofe umi. O le mea lenei e faate’i ai i’a e o i totonu o a latou upega.
Taimi o le Faamanatu!
I Filipaina tatou te faamanatuina ai le Kerisimasi mo le fa masina, e amata atu ia Setema. E amata ona matou tātā musika o le Kerisimasi ma teuteu seia oo i le faaiuga o le vaitau i le amataga o Ianuari.
Ata na tusia e Minna Miná