Na Papitaiso e Dua na iSolisoli Rekitaki

Au a vosa vua e dua na gonetagane ka lomaleqataka tu na papitaiso. A lomaleqa o koya ni na qarava o koya na nona ivalavala ca kecega.

Au a tukuna vua ni papitaiso e dua na isolisoli rekitaki, ka sega ni gadrevi me rere. Na gauna ga o sa papitaiso kina, sa rawa ni vukei iko vakalevu cake na Tamada Vakalomalagi! A vakatavulica o Peresitedi Nelson ni gauna o papitaiso kina ka cakava e dua na veiyalayalati kei na Kalou, ena sega vakadua ni soro o Koya me vukei iko.* E sureti iko na Tamada Vakalomalagi mo ciqoma na isolisoli ni Yalo Tabu me dusimaki iko ni ko sa vakadeitaki. Ka ni o cakava e dua na digidigi cala, sa rawa mo veivutuni ka vosoti baleta ni Luvena na Tamada Vakalomalagi, o Jisu Karisito, sa sauma oti na isau ni nomu ivalavala ca.

Sa dua na veivakalougatataki ni sa sureti iko na Tamada Vakalomalagi ni se yabaki walu mo vakayacora e dua na veiyalayalati vata kei Koya me rawa ni vakalougatataki iko vakalevu cake kina o Koya! Sa waraki iko tu na reki levu ena nomu taura na ikalawa oqo mo muri Jisu Karisito.

Droini mai vei Bryan Beach