“Sega ni Dede Au Sa Na Yabaki Walu”

Ni se yabaki ono na luvequ yalewa, keirau a tovolea ena kena levu ga e rawa me dau sarava o koya na nodra papitaiso na gone tale eso. Ni oti na veipapitaisotaki yadua, keirau a vakamacalataka vua na ka a yaco. Keirau a vukei koya me kila vakavinaka ni gauna sa na qase cake kina me papitaiso, sa na rawa vua me vakatulewataka na dodonu mai na cala. Ni oti na papitaiso yadua, ena kaya o koya, “Sega ni dede au sa na yabaki walu, ka’u na papitaiso talega.”

Sa qai yaco me yabaki walu o luvequ yalewa. A papitaisotaki ka vakadeitaki sara o koya. Oqo sa tu vua na isolisoli ni Yalo Tabu. Keirau a tukuna vua ni dua vei ira na sala vinaka me tikoga kina na Yalo Tabu vata kei koya o ya me dau taura na sakaramede.

Ni o taura na sakaramede, o sa yalataka mo dau nanumi Jisu Karisito tikoga. Ena vukei iko na Yalo Tabu mo cakava na veika a vakavulica o Jisu ka vakavotuya vei iko na veika o vulica me baleti Koya mai vale kei na Lalai. Na Yalo Tabu e dau vosa ena domo malumu lailai ka na vukei iko mo kila na ka dodonu kei na ka e cala.

Ia oqo na luvequ yalewa sa taleitaka vakalevu sara na sakaramede! Ka na rawa talega vakakina o iko. Ni o taura na sakaramede ena veimacawa ka nanumi Jisu Karisito, o na vakila vakalevu cake na Yalo Tabu, ka na tomana tikoga o Koya me dusimaki iko. Ena rawa kina mo dau nanumi Jisu Karisito tikoga.

Veikalawa ni Veiyalayalati

Rokataka na veika yadua mo vakamuria nona vakarautaki koya na luvei Elder Ojediran yalewa me cakava ka maroroya na nona veiyalayalati ni papitaiso.

Droini mai vei Samantha Windley