Atama kei Ivi

O Atama kei Ivi erau a isevu vei ira na luvena na Tamada Vakalomalagi me mai bula e vuravura. Erau a vakaitikotiko ena Were ko Iteni.

A laiva na Kalou me rau kania na vua ni kau kecega ka vo ga e dua. Kevaka erau kana mai na kau ni kila na vinaka kei na ca, erau sa na biuta na were ka rau na qai mate emuri. Ia a lasutaki rau o Setani. A kaya o Setani ni kevaka erau kania na vuanikau, erau na kila na vinaka kei na ca ia erau na sega ni mate.

A digitaka o Ivi me kania na vuanikau.

A qai solia o Ivi vei Atama na vuanikau. A digitaka talega o koya me kania.

A sikovi rau mai na Kalou kei Jisu Karisito, ia erau a rere o Atama kei Ivi ka vuni. A taroga na Kalou kevaka erau sa kania na vuana mai na vunikau.

Rau a kaya o Atama kei Ivi ni rau sa kania na vuanikau. Ia oqo me rau sa na biuta na Were ko Iteni. Ia e a tiko na ituvatuva ni Kalou me baleti rau. Oqo erau sa kila na vinaka mai na ca ka sa rawa me rau vakaluveni.

A yalataka o Atama kei Ivi me rau talairawarawa ki na ivakaro ni Kalou. Erau a vulica vakalevu cake me baleta na Luve ni Kalou, o Jisu Karisito. Rau a marau baleta ni na vukea o Koya na nodrau matavuvale me lesu vua na Kalou.