“Vakabula mai na Yatu Filipaini!” iTokani, Janueri 2026, 8–9.
Vakabula mai na Yatu Filipaini!
O Filipaini e dua na yatu yanuyanu levu ena muaira ni Wasa Pasifika. E sivia ni 100 na milioni na tamata era bula tu e kea! Na vosa vakadonui o ya na vosa vakaFilipino kei na Vakavalagi.
Matanitu Veiyanuyanu
E sivia ni 7,640 na yanuyanu ena Yatu Filipaini. Era tawana tu na tamata e rauta ni 2,000 vei ira na yanuyanu oqori.
Jokeliti ena Vulaikatakata
E tiko ena yanuyanu o Bohol na Chocolate Hills. Ena gauna ni draki mamaca, era dau vuki me damu na veidelana oqo ka rairai vaka na buke lelevu ni jokeliti!
Dua na Ikeli Vakaitamera
Na Ikeli ni Filipaini sa ikoya na manumanu vuka ni matanitu ka dua vei ira na ikeli levu duadua e vuravura.
Qoli ena Bitu
Era dau qoli vakalevu na tamata eke. E dua na sala era dau qoli kina oya mera samuta na wai ena dua na tiki ni bitu balavu. Oqo e dau vakidroataka na ika ki na loma ni nodra lawa.
Gauna ni Soqo ni Marau!
Ena Yatu Filipaini keimami dau marautaka na Siganisucu me va na vula, tekivu tiko ena Sepiteba. Keimami dau tekivu vakatagitaki sere ni Siganisucu ka ukuukutaki me yacova na mua ni gauna ni marau ena itekivu ni Janueri.
Droini mai vei Minna Miná