“Na iTuvatuva ni Marau kei Iko!” iTokani, Janueri 2026, 24–25.
Na iTuvatuva ni Marau kei Iko!
A vakarautaka na Tamada Vakalomalagi e dua na ituvatuva me baleti ira kece na Luvena ka vakatokai na ituvatuva ni marau. E tiko e dua na nomu tikina ena ituvatuva o ya!
Na Veibuli
Rau a bulia na lomalagi kei vuravura kei na veika kecega e tu kina na Tamada Vakalomalagi kei Jisu Karisito.
Na Lutu
E rau a digitaka o Atama kei Ivi me rau kania na vua ni vunikau ni kila na vinaka kei na ca. Ena vuku ni ka oqo, erau a tawasei kina mai vua na Kalou, ka rau kila na dodonu mai na cala, ka rawa ni dua na nodrau matavuvale. Rau a imatai ni matavuvale e vuravura.
Na Veisorovaki i Jisu Karisito
A lako mai ki vuravura o Jisu Karisito. A vakila o Koya na noda mosi taucoko ka sauma na noda ivalavala ca. A mate ka bula tale o Koya. Ena Vukuna ga, e rawa ni da veivutuni ka bula vata tale kei na noda matavuvale kei na Tamada Vakalomalagi ena dua na siga.
Na Bula e Vuravura
Eda a sucu kece e vuravura me da vakayago, vuli, ka tubu. E rawa ni da muri Jisu Karisito ena noda muria na ivunau ka qaravi ira na tani.
O rawa beka ni kunea na veika oqo e na iyaloyalo?
Droini mai vei Maddie Baker