“Vakarau me Lako vata kei Jisu,” iTokani, Janueri 2026, 4–5.

Vakarau me Lako vata kei Jisu

Drua goneyalewa rau taura tu e dua na ilavelave ni Papitaiso kei na Veivakadeitaki ni mekasini na iTokani

Bula!

O keirau o Hailey kei Violet, drua goneyalewa mai Arizona, Amerika. Keirau vinakata me muria na ivakaraitaki ni iVakabula, ka keirau sa vakavakarau tiko me papitaiso!

Erau tucake tu na goneyalewa ena dua na uciwai vata kei nodrau na kei ta

Keitou taleitaka na taubale ena bati ni dua na uciwai voleka ki na neitou itikotiko. Ni keirau sa papitaiso, keirau na tekivutaka e dua na ilakolako vakayalo vou vata kei Jisu! Ena tiko vata kei keirau na Yalo Tabu ni keirau tovolea me muria na iVakabula e veisiga yadua.

Rau kumuni qa‑ni‑vivili tiko na goneyalewa ena bati‑ni‑uciwai

Ena so na gauna keirau dau kumuni qa‑ni‑vivili vulavula e bati‑ni‑uciwai. Era vakananuma vei keirau e dua na ka a yalataka na iVakabula: “Ke sa vaka na ka kulakula na nomudou ivalavala ca, sa na vulavula me vaka na uca‑vulavula” (Aisea 1:18). Ena vuku i Jisu Karisito, eda rawa ni veivutuni ka savasava tale ni da cakava edua na digidigi cala. Keirau na vakaisulu vulavula ena neirau siga ni papitaiso me nanuma talega kina na ka oqo.

Erau tebetaki vatu tiko na goneyalewa ena uciwai vata kei nodrau ta

O neirau ta e matai sara ena tebetaki vatu ena uciwai! E vakavulici keirau tiko kina o koya, ka keirau sa vinaka cake tiko mai e veigauna keirau tovolea kina. Oqo e vaka ga ni o Jisu Karisito sa qasenivuli uasivi duadua. E vinakata tu o Koya me vukei keda meda vuli ka tubu.

Taubale voli ena uciwai na goneyalewa ni rau veitauri liga tiko kei nodrau na.

E dravidravia na vatu ena uciwai, ka veivuke me keirau taura na ligai neirau na. E sa dau tu ga e kea o Jisu ni da gadreva na veivuke. Ka ni keirau sa papitaiso, keirau na yalataka me vukei ira tale eso ena sala ena vakayacora o Koya!

Keirau dau taleitaka na taubale yani ena uciwai kei na neirau matavuvale. Ni da sa papitaiso, eda na tiko ena salatu ni veiyalayalati ka na muataki keda lesu ki na noda itikotiko vakalomalagi. Sa rawa ni da tiko vata kei na noda matavuvale me tawamudu!

Au marautaka me’u papitaiso baleta ni’u vinakata me’u muria na ivakaraitaki i Jisu. Au sa rawa ni vakaraitaka vei Tamada Vakalomalagi ni’u vinakata me’u maroroya na ivakaro.

Violet W., yabaki 7, Arizona, Amerika

Au vinakata me’u muri Jisu Karisito. Ni’u sa papitaiso oti, au sa rawa ni ciqoma na Yalo Tabu, ka rawa ni vukei au na Yalo Tabu me’u yaloqaqa.

Hailey W., yabaki 7, Arizona, Amerika