Tomasi na Dausokumuni

Na yacaqu o Tomasi, ka’u dua na dausokumuni.

Ena yabaki oqo ena Lalai keimami vulica tiko kina na sala meda vakasoqoni vata kina. Era kerei keimami na iliuliu me keimami vakasoqoni ira vata na neimami matavuvale me baleta na masu kei na vuli ivolanikalou. Era vinakata me keimami vakatovotovotaka na vakasoqoni vata me rawa ni vakasoqoni vata ena gauna oqo kei na gauna keimami tubu cake kina—ena kaulotu, e koronivuli, se gauna mada ga keimami tiko duadua kina. Na sala oqori e rawa ni da vakasoqoni vata kina vakayalo kei na Tamada Vakalomalagi kei Jisu Karisito ka kunea na vakacegu vei Rau.

Na noqu cakacaka me’u sokumuna na noqu matavuvale me baleta na masumasu ena mataka. Au dau taroga, “Yalovinaka ni mai tomani au ena masu?” E dau vakasoqoni keitou na taciqu o Henry ena masu kei na vuli ivolanikalou ena yakavi.

Ena dua na mataka ni Vakarauwai, keitou a biubiu vakamataka lailai me keitou qito basiketepolo. Ni oti o ya, keitou a lai cakava eso na ka. Au qai nanuma vakasauri ka kaya, “Na, kedatou guilecava me soqoni vata ena masu.” A tukuna vei au o koya ni rawa ni keitou soqoni vata ni keitou sa yaco ki vale. Ia au a kaya, “E gadrevi me tou soqoni vata ka masu ena gauna sara ga oqo!” A kerei au o koya me’u cavuta na masu, ia a dolava tu ga na matana baleta ni draiva tiko.

Erau tukuna vei au kei Henry o Na kei Ta na nodrau vakavinavinaka ni keirau dau vakasoqona vata na neitou matavuvale ena masu kei na vuli ivolanikalou. Erau kaya ni domoi keirau lalai e vakayaco veisau levu ena neitou itikotiko. Erau tukuna vei keirau baleta ni keitou dau vakasoqoni vata, sa vakalougatataki kina na neitou matavuvale.

Droini mai vei Augusto Zambonato