Baptaes Hem I wan Presen blong Glad

I kam long Presiden Susan H. Porter

Praemeri Jeneral Presiden

Foto blong wan boe we i stap kamaot long wota long ples blong baptaes afta we hem i bin kasem baptaes.

Wan taem mi bin toktok long wan boe we i fraet blong kasem baptaes. Hem i wari se bae hem i responsibol long ol sin blong hem.

Mi talem long hem se baptaes hem i wan presen blong glad, mo hem i no nidim blong hem i fraet. !Taem yu kasem baptaes, Papa long Heven i save helpem yu moa! Presiden Nelson i tijim se taem yu baptaes mo mekem kavenan wetem God, Hem bae i neva givap blong helpem yu.* Papa long Heven i invaetem yu blong kasem presen ia we i Tabu Spirit blong lidim yu taem yu kasem konfemesen. Mo taem yu mekem wan rong joes, yu save sakem sin mo kasem fogivnes from Pikinini Boe blong Papa long Heven we i Jisas Kraes, i pem praes blong sin blong yu finis.

I wan blesing we Papa long Heven i invaetem yu taem yu gat eit yia blong mekem kavenan wetem Hem mekem se bae Hem i save blesem yu moa! Plante glad i stap taem yu tekem step ia blong folem Jisas Kraes.

Taem Mi Kasem Baptaes, mi Save

Tingbaot ol promes blong mi blong baptaes taem mi stap tekem sakramen.

(3 Nifae 18:6–7)

Gat Tabu Spirit wetem mi oltaem.

(Moses 6:52; Doktrin mo Ol Kavenan 20:77)

Mi wan memba Jos Ia blong Jisas Kraes.

Doktrin mo Ol Kavenan 20:37

Tekem long yumi nem blong Jisas Kraes blong folem Hem evri dei.

(Mosaea 5:8)