“!Plan blong Stap Glad mo Yu!” Fren, Jenuware 2026, 24–25.

!Plan blong Stap Glad mo Yu!

Papa long Heven i bin mekem wan plan blong yumi evriwan ol pikinini blong Hem, we oli singaotem plan ia plan blong stap glad. Yu gat wan pat long plan ia.

Kriesen

Papa long Heven mo Jisas Kraes tufala i krietem heven mo wol ia mo evri samting insaed long hem.

Foldaon blong Adam mo Iv long Sin

Adam mo Iv i bin jusum blong kakae frut ia blong tri blong save gud mo nogud. From hemia tufala i bin seperet long God, save wanem i gud mo wanem i nogud, mo save gat wan famli. Oli bin ol fas famli long wol ia.

Atonmen blong Jisas Kraes.

Jisas Kraes i bin kam long wol. Jisas Kraes i bin filim evri harem nogud blong yumi mo i safa from ol sin blong yumi. Hem i ded mo i laef bakegen. From Hem, yumi save sakem sin mo yumi save laef wetem famli blong yumi mo Papa blong yumi long Heven mo ol famli blong yumi sam dei.

Laef long Wol ia.

Yumi evriwan i bon i kam long wol ia blong kasem wan bodi, lan mo gro. Yumi save folem Jisas Kraes taem yumi kipim olgeta kavenan mo givim seves long ol narawan.

?Yu save faenem ol samting we oli haed insaed long pikja ia?