Rere blong Wokbaot wetem Jisas

!Halo!

Mitufala i Hailey mo Violet, twin sista we i blong Arizona, USA. Mitufala i wantem folem eksampol blong Sevya, mekem se mitufala i stap rere blong kasem baptaes!

Mifala i laekem blong wokbaot long wan reva kolosap long haos blong mifala. Taem yumi kasem baptaes, bae yumi statem wan niu wokbaot long saed blong spirit wetem Jisas! Tabu Spirit bae i stap wetem yumi taem yumi traem blong folem Sevya evri dei.

Samtaem mitufala i pikimap ol smol waet sel long saed blong reva. Oli rimaenem yumi long samting we Sevya i promesem: “nating we ol sin blong yufala i mekem yufala i doti gud, be bambae mi mekem we yufala i klin we i klin” (Aesea 1:18). From Jisas Kraes, bae yumi save sakem sin mo kam klin bakegen taem yumi mekem wan rong joes. Bae mitufala i werem waet klos long dei blong baptaes blong tingbaot hemia tu.

!Papa blong mitufala i gud blong sakem ol ston long reva! Hem i stap tijim mitufala hao blong mekem, mo mitufala i stap kam gud evri taem mitufala i traem. Hemia i olsem wanem we Jisas Kraes i tija we i stret evriwan. Hem i wantem helpem yumi blong lan mo gro.

Ol ston blong reva oli ski, mo i help taem mifala i holem han blong mama blong mitufala. Jisas oltaem i stap ia blong yumi taem yumi nidim help. Mo taem yumi baptaes, yumi promes blong helpem ol narawan long wei we Hem bae i mekem!

Mifala i laekem blong wokbaot long saed blong reva wetem famli blong mifala. Taem yumi kasem baptaes, bae yumi stap long kavenan rod we i lid i go long hom long heven. Yumi save stap wetem famli blong yumi blong oltaem!

Mi glad blong mi save kasem baptaes from se mi wantem blong folem eksampol blong Jisas. Mi save soem long Papa long Heven se mi wantem blong kipim ol komanmen.

Violet W., 7 yia, Arizona, YSA

Mi wantem blong folem Jisas Kraes. Afta we mi baptaes, mi save kasem Tabu Spirit, mo bae Tabu Spirit bae i save helpem mi blong no fraet.

Hailey W., 7 yia, Arizona, YSA