Adam mo Iv

Adam mo Iv, oli ol fas pikinini blong Papa long Heven blong laef long wol ia. Tufala i bin stap laef long garen blong Iden.

God i letem tufala blong kakae frut blong evri tri, be wan ia nomo, bae tufala i no kakae. Sapos tufala i kakae frut blong tri blong save abaot wanem i gud mo nogud, bae tufala i mas aot long garen ia mo bae tufala i ded long en. Be Setan i giaman long tufala. Hem i talem se sapos oli kakae frut ia, bae oli save wanem i gud mo nogud, be bae oli no ded.

Iv i jusum blong kakae frut.

Afta hem i givim frut ia long Adam. Hem tu, i jusum blong kakae frut ia.

God mo Jisas Kraes i bin visitim tufala, be Adam mo Iv oli fraet mo oli haed. God i askem sapos oli bin kakae long tri blong save gud mo nogud.

Adam mo Iv i talem oli kakae frut blong tri blong save gud mo nogud. Naoia tufala mas aot long Garen blong Iden. Be God i gat wan plan blong hem. Naoia tufala i save wanem i gud mo nogud mo save gat ol pikinini.

Adam mo Iv tufala i promes blong obei long ol komanmen blong God. Oli lanem moa abaot pikinini blong God, Jisas Kraes. Tufala i hapi from Hem bae i helpem ol famli blong olgeta i gobak long God.