“I No Longtaem Bae Mi Eit”

Taem gel blong mi i gat sikis yia, mi traem blong mekem hem i luk ol baptaes blong ol narafala pikinini. Afta long wanwan baptaes, mifala toktok long hem abaot wanem i hapen. Mifala i helpem hem blong andastanem taem hem i bigwan inaf blong kasem baptaes, bae hem i kam blong luksave wanem i raet o wanem i rong. Afta long wanwan baptaes, bae hem i talem, “Kolosap bae mi 8 yia, mo bae mi kasem baptaes tu.”

Gel blong mi i kasem eit yia. Hem i baptaes mo kasem konfemesen. Naoia hem i kasem presen we i Tabu Spirit. Mifala i talem long hem wan long bes wei blog kipim Tabu Spirit wetem hem blong tekpat long sakramen.

Taem yumi tekem mo kakae sakramen, yumi stap promes blong oltaem tingbaot Jisas Kraes. Tabu Spirit bae i helpem yu blong mekem ol samting we i Jisas i tijim mo rimaenem yu, long wanem yu lanem abaot Hem long hom mo long Praemeri. Tabu Spirit i toktok long wan voes we i kwaet mo bae i helpem yu blong andastanem wanem i raet mo wanem i rong.

Naoia gel blong mi i lavem sakramen plante! Mo yu tu, yu save. Taem yu stap tekem sakramen evri wik mo tingbaot Jisas Kraes, bae yu filim Tabu Spirit moa, mo bae Hem i gohed blong lidim yu. Oltaem bae yu tingbaot Jisas Kraes.

Ol Kavenan Step

Kala wanwan pikja blong folem wetem gel blong Elda Ojediran taem hem i rere blong mekem mo kipim kavenan blong hem blong baptaes.

Ol pikja i kam long Samantha Windley