Gudtaem & Kaekae

Papa long Heven mo Jisas Kraes i lavem yu tumas. Mekem naes kad ia blong talem long wan man yu lavem hem tu.

1. Foldem wan pis pepa long haf.

2. Putum smol fingga blong yu long ples we yu foldem afta droem han blong yu long pis pepa ia.

3. Katemaot ol laen aotsaed. No katem tru long ples we yu foldem ia!

4. Openem kad blong yu mo raet o dro insaed, wan kaen mesej blong wan man.

Putum wanem yu laekem antap long wan totila. Yu save traem pinat bata mo jeli, peparoni mo jis mo spinaj mo teki, o wanem yu laekem! Afta rolem totila mo katem i go long ol smosmol pis. Sevem wetem ek we oli tantanem.

Taem Jisas Kraes i bin stap long wol ia, Hem laekem blong givim seves long evriwan. Yumi save folem eksampol blong Hem tedei. ?Olsem wanem nao yu stap givim seves long wan man?

Taem mi helpem wan man mi filim se Papa long Heven i praod mo hapi.

Felix G., 11 yia, Kisumu County, Kenya

Mi helpem wan pikinini we i kasem kil long ples blong pleiplei. Mi filim glad from we mi save help.

Hazel L., 7 yia, California, YSA