Thomas Man Karem Man Kam Tugeta

Nem blong mi Thomas, mo mi man blong karem man kam tugeta.

Long yia ia mifala i lanem hao blong karem man kam tugeta. Ol lida blong mifala i askem mifala blong karem famli blong mifala i kam tugeta blong mekem famli prea mo skripja stadi. Oli wantem mifala blong praktisim olsem wanem blong karem man kam tugeta naoia mo taem mifala i groap—go long wan misin, stap long skul, o iven taem mifala stap mifalawan. Long wei ia yumi save kam tugeta long saed blong spirit wetem Papa long Heven mo Jisas Kraes mo faenem pis long Tufala.

Wok blong mi i blong karem kam tugeta famli blong mi long moning blong famli prea. Mi askem, “Plis yufala save joenem mi blong prea?” Brata blong mi Henry i karem mifala kam tugeta blong prea blong naet mo skripja stadi.

Wan Satedei moning, mifala aot eli blong go pleiplei basketbol. Afta, mifala go mekem sam wok. Afta mi tingbaot, mo talem, “Mama, yumi foget blong mekem famli prea.” Hem i talem long mi se yu save kam tugeta blong prea, taem yumi kasem haos. Be mi talem se, “yumi nid blong kam tugeta naoia blong prea!” Mama i askem mi blong prea, be hem i openem ae blong hem nomo from hem i stap draev.

Mama mo papa i talem long mi mo Henry se tufala i glad from ol famli prea mo skripja stadi blong mifala. Oli se ol smol voes blong mitufala i mekem wan bigfala jenis long haos blong mifala. Oli talem long mifala se from mifala i stap kam tugeta, famli blong mifala kasem ol blesing.

Ol pikja oli kam long Augusto Zambonato