O Tusigamanatu o le Konafesi

Na aoao maiPeresitene Oaks o aiga e totonugalemu i le talalelei a Iesu Keriso. A o laitiiti o ia, sa maliu lona tamā. Ae sa aoaoina o ia e lona tina i le talalelei, ma sa ia maua ai le faamoemoe ma le filemu. E feagai aiga ma luitau, ae e mafai ona tatou maua uma le faamoemoe e mafai ona avea i tatou ma se vaega o se aiga e faavavau.

Tusi se ata o lou aiga.

Na saunoaElder Eyring a o i ai o ia i le kolisi, sa faigata ia te ia le fisiki ma le matematika. Sa ia lagona le lofituina ma sa manao e togi le solo. Ina ua tatalo o ia, sa ia lagonaina le faamafanafanaina ma le faamautinoaga. Sa ia aoaoina e mafai ona ia faia mea uma e ala ia Keriso, o lē e faamalosia i tatou uma (tagai i le Filipi 4:13). A tatou feagai ma ni taimi faigata, o le a faatasi le Tama Faalelagi ma Iesu Keriso ma i tatou.

Tusi se ata pe tusi e uiga i se taimi na e faia ai se mea faigata faatasi ai ma le fesoasoani a le Tama Faalelagi ma Iesu Keriso.

Sa faasoa mai eElder Brown sa ia auai ai i le Ekalesia i Jamaica. Sa fesili atu ana uo, “E mafai faapefea ona e auai i lena ekalesia? E te talitonu moni lava i na mea uma?” Ae sa ia maua se molimau mai le Agaga Paia, ma sa tumau faamaoni o ia i lana molimau. Pe a tatou filifili e talitonu, o le a tuputupu a’e a tatou molimau.

Sa faamatala eSister Spannaus se tala o le Tusi Paia e uiga i se tamaitai na valaauliaina le perofeta o Elisaia e ai i lona fale. Sa fauina foi e le tamaitai se potu i lona fale ina ia i ai sona nofoaga e nofo ai. Sa faamautu atu e le Agaga Paia ia te ia o ia o se perofeta a le Atua. E mafai foi ona i ai sa tatou molimau e uiga i perofeta a le Atua. E mafai ona tatala o tatou loto ma usitai i la latou taitaiga.

Sa saunoaSister Browning e uiga i le tāua o pese a le Peraimeri. Fai mai o ia o musika o se meafaigaluega e mafai ona fesoasoani e toto ai fatu o molimau i o tatou loto. Pe a tatou usuina pese o le Peraimeri, o loo tatou usuina a tatou molimau o le talalelei toefuataiina. E finagalo moni lava Iesu ia tatou pei o se aveolela!