“Tulimatai Atu i le Polokalama a le Autalavou,” Uo, Novema 2025, 38–39.
Tulimatai Atu i le Polokalama a le Autalavou
O le tuua o le Peraimeri i le tausaga e atoa i ai lou 12 e mafai i nisi taimi ona lagona le taufaafefe po o le faanoanoa foi. O le mea e laki ai, e tele mea mananaia e uiga i le atoa o le 12 ma le auai i lau vasega a Tamaitai Talavou po o le korama a le Perisitua Arona! O nisi nei o na mea.
1
O Le Malumalu
E mafai ona e feiloai ma lou epikopo ina ia maua se pepa faataga o le malumalu ma faia papatisoga mo e ua maliliu i le malumalu!
2
Gaoioiga ma Mea e Fai
O le a tele ni au gaoioiga ma lau Tamaitai Talavou po o lau vaega o le Perisitua Arona. E mafai foi ona e alu i tolauapiga a le autalavou ina ia maua le fiafia faatasi ma isi a o aoao e uiga ia Iesu Keriso ma Lana talalelei!
3
Auauna atu i le Ekalesia
E mafai ona e maua se valaauga e auauna atu i se au peresitene o se vasega po o se korama. O le a e maua foi avanoa e aoao ai lau vasega, fesoasoani e fuafua gaoioiga, ma auauna atu i isi auala!
4
Konafesi a le Seminare ma le MMA
I le tausaga e atoa i ai lou 14 tausaga, e mafai ona e amata auai i le seminare e aoao atili ai e uiga ia Iesu Keriso ma Lana talalelei toefuataiina. E mafai foi ona e auai i konafesi a le MMA (Mo Le Malosi o le Autalavou) ma isi talavou o e alolofa ma mananao e mulimuli ia Iesu Keriso.
5
Anotusi Fou mo Oe!
-
Faatasi ai ma le fesoasoani a se matua, lesitala i le mekasini o le Mo Le Malosi o le Autalavou i luga o le uepisaite a le Ekalesia.
-
Fesili i se matua e uiga i le siiina mai o le Polokalama o le Gospel Living. E i ai ni manatu malie mo le aoaoina o le talalelei ma le faia o sini mo le polokalama a Tamaiti ma le Autalavou.
-
Suesue le Mo Le Malosi o le Autalavou: O Se Taiala mo le Faia o Filifiliga. O lenei tamaitusi na tusia e fesoasoani ia te oe e mulimuli ai ia Iesu Keriso.
-
E mafai e oe ma lou aiga ona maua tala faagaeetia, musika, faasilasilaga, ma isi mea i luga o le Taumafai e Avea ma tala o ala o faasalalauga faaagafesootai.