Ua Maliu Iosefa mo le Talalelei

E toatele tagata sa feita ia Iosefa Samita ma le Ekalesia. Latou te le’i fiafia i mea na a’oa’oina e Iosefa. Sa mananao foi nisi e fasioti o ia.

Sa manaomia ona alu Iosefa i le aai o Karefasi ina ia mafai e se faamasino ona filifili pe na ia solia le tulafono. Sa faamanuia e Iosefa ia Ema ma lana fanau, sogi faatofa atu ia i latou, ma malaga atu i Karefasi.

Sa o le uso o Iosefa o Ailama ma isi uo faatasi ma ia. A o latou o ese atu, sa toe tilotilo atu Iosefa i Navu. “O le nofoaga sili lenei ona matagofie ma tagata sili ona lelei i lalo o le lagi,” o lana tala lea.

I Karefasi sa tuu ai tamaloloa i le falepuipui. Sa faitau atu e Ailama ia i latou mai le Tusi a Mamona. Sa ta’u atu e Iosefa i leoleo e moni le Tusi a Mamona.

Mulimuli ane i lena aso, na faanatinati atu ai tagata feita ma fana i totonu o le falepuipui. Sa latou amata ona tafana atu i totonu o le potu sa i ai Iosefa ma ana uo. Sa fasiotia Ailama ma Iosefa.

Sa matuai faanoanoa lava le Au Paia ina ua latou iloa ua maliliu Iosefa ma Ailama. Ae sa latou iloa o le a faaauau pea ona tuputupu a’e le Ekalesia ma faamanuiaina ai fanau a le Atua i le lalolagi atoa.