O Se Asiasiga i le Tupu Tamāmatua

Sa faalagolago atu ia Gift i le faatausiusiuga o le vaa ma tilotilo atu ma le ofo a o pa le vai i ona autafa. Sa aapa ifo o ia agai atu i galu, ma le pisi lemu o loo ene ai ona lima. O lana malaga lenei e sili ona fiafia i ai. Sa malaga atu o ia ma lona aiga i le nuu o Tamamatua, ma i taimi taitasi, sa ia faalatalata atili atu ai i se lalolagi ua sili atu ona aivao ma saoloto nai lo le aai sa ia tuua.

I le aai, sa fetaui lelei ia Gift. Sa tasi o ia i le faitau miliona. O nisi taimi e manaia lena lagona—i le na o ia lava, e aunoa ma se tasi e popole tele e uiga i mea sa ia filifili e ofuina pe faia. Ae i le nuu o lona tamamatua, sa ese lava. O iina, sa tulaga ese ai Gift. O ia o se purinisese—o le afafine o le atalii o se tupu atamai.

Ina ua mavae le lua itula, sa taula le vaa. O le vaega aupito umi o le malaga sa i luma atu lava: ono itula i le pasi. Sa ia iloa o le a lelava o ia, ae e le o toe umi ae toe faatasi ma lona tamamatua. O lena mea na matua aoga ai lava.

O se tietiega saalutulutu. Sa taumafai Gift e pasi le taimi e ala i le tilotilo i foliga o ao sa ia vaaia i fafo o le faamalama ma matamata atu i le laufanua matagofie ua pasia. Sa faasolo ina goto le la ae tu loa ma le pasi. Ua taunuu! Tamamatua! Na oso ese Gift mai le pasi ma tamoe atu i le fale o le nuu.

Sa ia saili i totonu mo Tamamatua. Sa ia sailia le lotoa i totonu, lea sa tuu ai e lona tina oti a o laitiiti. Sa ia sailia potumoe, lea i le po e tatau ona ia tapunia ai faamalama e taofia ai namu. Sa ia sailia le fanua i tua o le fale, lea na ia ofuina ai ofutalaloa tautupu—sikafu susulu ma se pale pepa—e auai i le aufono a le nuu.

O iina, na vaaia ai e Gift le nofo filemu o Tamamatua i luga o se nofoa, ma vaai atu i le togalaau a le aiga. Sa ataata Gift.

“Tamamatua!” sa ia valaau atu ai.

Sa tu tamamatua ma faaloaloa tele ona lima. “Lau teine pele,” sa ia musumusu atu ai a o ia opoina o ia i se opo mafanafana. “Nofo ma malolo faatasi ma au.”

“Sa ou misia oe,” o le tala lea a Gift.

“E sili atu ona ou misia oe! Ua ou fiafia ua e i ai iinei.” Sa tu tamamatua mo sina taimi ona fesili atu lea, “E te iloa le faapitoa o lenei togalaau?”

Na lūlū le ulu o Gift.

Sa tusi atu tamamatua i le laau i o la luma. “O le gafa lenei o le aiga,” o lana tala lea. Na matauina e Gift e foliga mai e matua ma malosi.

“O maa i luga o le eleele faataamilo i le laau ua i ai igoa o o tatou tuaa. E tatau ona tatou manatua pea lo tatou aiga.”

Sa le iloa e Gift le tele o igoa i luga o maa. E mafai faapefea ona ia manatua se tasi na te le iloaina? Sa faapea atu Gift, “Tau mai ia te au e uiga ia i latou, Tamamatua,”.

Sa faitau taitoatasi e tamamatua ia igoa ma faamatala atu ia Gift ia tala e uiga i ona tuaa. A o ia saunoa, sa iloa e Gift i nisi o auala, o tala foi nei e uiga ia te ia. Sa tele mea sa tutusa ai o ia ma nei tagata o le aiga na te lei feiloai lava i ai.

I lena taimi, sa malamalama ai Gift i se mea taua. Sa le na o galu ma le laueleele na ia lagona ai le saoloto iinei. O se sootaga i lona aiga sa ia lagonaina i lenei nuu ma Tamamatua.

Sa faamatala e tamamatua ni tala seia oo ina sisiva fetu i le lagi.

Mulimuli ane, sa mapuea Tamamatua. “E tatau ona ta o i totonu.”

“Toe tasi lava,” o le tala lea a Gift.

Sa savali atu Gift i le laau ma pa’i lemu atu i lona pa’u. Ona ia tilotilo atu lea i maa i luga o le eleele, ma manatua le tala i tuaa taitasi. I se tasi aso, o le a ia asiasi atu ai i le malumalu ma faia sauniga paia mo i latou. Ona o i latou, ua i ai nei o ia iinei. Na te faia lana vaega e toe faafoi mai ai le meaalofa na latou tuuina atu ia te ia.

Sa aapa atu le lima o Tamamatua mo ia, ma sa ave e Gift. Faatasi ai ma se toe tepa mulimuli i tua i le gafa o le aiga, sa agai atu ai Gift i totonu, lea sa faatalitali ai le toatele o lona aiga e faafeiloai o ia.

Tatala le PDF

Ata na tusia e Audrey Day