O Le A le Mea e Tupu Pe a Maliu le Perofeta?

E valaauina e le Alii ia perofeta e taitai Lana Ekalesia, ma o loo i ai Sana fuafuaga ua faatulaga mo le taimi e maliu ai se tasi o i latou. Na te taiala ma taitaia i taimi uma Lana Ekalesia!

Pe a maliu le Peresitene o le Ekalesia, ona taitai lea e le Korama a Aposetolo le Ekalesia. O le taimi lea ua aofia ai Aposetolo e toalua o e sa avea ma fesoasoani i le Au Peresitene Sili.

E tatalo le Au Aposetolo ma filifili le taimi e faatulaga ai se Au Peresitene Sili fou.

E valaau e le Alii le Aposetolo e aupito umi ona auauna atu e avea ma perofeta ma Peresitene o le Ekalesia e sosoo ai.

E ala mai i le perofeta fou, e valaau ai e le Alii ni Aposetolo se toalua e avea ma fesoasoani i le Au Peresitene Sili fou.

O le a valaauina se Aposetolo fou e auauna atu i le Korama a Aposetolo e Toasefululua.

I le taimi o le konafesi aoao, tatou te sii o tatou lima e lagolago ai le Au Peresitene Sili fou ma le Korama a Aposetolo e Toasefululua. O le lagolagoina o lona uiga ua tatou malilie e alolofa ma lagolago i latou ma mulimuli i la latou taitaiga o ni auauna a le Alii.

Pe a valaauina se Peresitene fou o le Ekalesia po o se Aposetolo, e mafai ona e tatalo ia iloa na valaauina i latou e le Atua. Ma e mafai ona e siilima ma lagolago i latou e ala i le faalogo i a latou upu ma mulimuli ia i latou!