Ko ha Fepōtalanoaʻaki mo Fēnoni mo Fāuini fekauʻaki mo e Lotú

Fakamatala mai fekauʻaki mo kimoua.

Fēnoni: ʻOku ou taʻu 10. ʻOku ou saiʻia ke vaʻinga veimaú mo faʻu ha ngaahi meʻa ʻaki ha ʻū poloka pelesitiki. Ko e meʻa ʻoku ou saiʻia taha aí ko e laukongá. ʻOku ou saiʻia ke lau ʻa e ʻū tohí mo e makasini Ko e Kaumeʻá.

Fāuini: ʻOku ou taʻu 8 pea ʻoku ou saiʻia ʻi he vaʻinga soká ʻi muʻa ʻi homau ʻapí. ʻOku ou saiʻia foki ʻi hono faʻu ha ʻū meʻa ʻaki ha ʻū poloka pelesitikí. ʻOku ou saiʻia ke ʻai ʻa e kakaí ke nau kata.

Fēnoni: ʻOku faingataʻa ke u tokanga taha ʻi he taimi ʻoku ou ako aí, ko ia ʻoku ou lotu leva ke u lava ʻo tokanga lelei ange ʻi he akó. ʻI he taimi naʻá ku kau ai ʻi ha feʻauhi ʻi he akó, naʻá ku hohaʻa ʻaupito ki he siví. Ko ia naʻá ku lotu, pea iku ʻo lelei ʻeku feinga ʻi he feʻauhí. Naʻá ku ongoʻi naʻe tāpuekina au ʻe he Tamai Hēvaní.

Fāuini: ʻI ha taimi ʻe taha naʻe mole ai ʻeku meʻavaʻinga naʻá ku saiʻia taha aí. Naʻá ku lotu ʻi he poʻulí ke u lava ʻo maʻu ia. ʻI he ʻaho hono hokó naʻe talamai ʻe hoku tokouá ke u vakaiʻi pe naʻe tō ʻa e meʻavaʻingá ʻi mui ʻi he kapineti meʻavaʻingá. Pea na‘á ku maʻu ia! Naʻá ku ongoʻi fiefia ʻi hono tali ʻe heʻetau Tamai Hēvaní ʻeku lotú. Ko e taimi ʻe niʻihi ʻoku maʻu vave ʻa e ngaahi talí, pea taimi ʻe niʻihi ʻoku hoko māmālie ia. Ka te Ne tali maʻu pē.

Ko e hā ʻa e ʻuhinga ʻoku mahuʻinga ai ʻa e lotú kiate koé?

Fāuini: Ko e lotú ko e founga ia te tau lava ai ʻo fakamālō ki he Tamai Hēvaní. Te tau lava foki ʻo kole ha tokoni ke maʻu ʻa e ngaahi tāpuakí.

Fēnoni: Ko e lotu ʻi he ʻaho kotoa peé ko ha founga ia ʻe taha ʻoku ou tauhi ai ʻeku ngaahi fuakava mo e Tamai Hēvaní. ʻOku ou ʻilo te u lava ʻo lotu ʻi ha faʻahinga feituʻu pē ʻi ha faʻahinga taimi pē. ʻI he taimi ʻoku ou lotu aí, ʻoku ou ongoʻi e ʻofa ʻa e Tamai Hēvaní.