ʻOkú Ke ʻIlo Fēfē ʻoku ʻOfa ʻa e Tamai Hēvaní ʻIate Koé?

ʻOku ou lava ʻo ongoʻi e ʻofa ʻa e Tamai Hēvaní ʻo fakafou ʻi heʻeku ongomātuʻá. ʻOkú na tā ha ngaahi sīpinga lelei maʻaku, pea ʻoku ou lava ʻo ongoʻi ʻena ʻofa taʻe-filifilimānakó. ʻOku ou toe ongoʻi foki e ʻofa ʻa e ʻOtuá ʻi heʻeku lau ʻa e folofolá mo maʻu ʻa e sākalamēnití ʻi he Sāpate kotoa pē.

Layden U., taʻu 10, Tuamasanga, Haʻamoa

ʻOku ou ongoʻi e ʻofa ʻa e Tamai Hēvaní ʻi he taimi ʻoku ou lotu aí mo e taimi ʻoku ou fai ai ha ngaahi meʻa lelei maʻá e kakai kehé.

Philicia H., taʻu 10, Siasi Kalaisí, Pāpeitosi

ʻOku ou ongoʻi ʻoku ʻofa ʻa e Tamai Hēvaní ʻiate au koeʻuhí naʻá Ne foaki mai ha fāmili mo fakatupu ha ngaahi meʻa fakaʻofoʻofa lahi ke u moʻui fiefia ai.

Tiffany A., taʻu 8, Seala, Palāsila

ʻOku ou ongoʻi e ʻofa ʻa e Tamai Hēvaní ʻi he taimi ʻoku ou feohi ai mo ʻeku fanga hōsí. ʻOku ou tui ʻoku ou kei ako pē ʻa e founga ke u ongoʻi ai iá.

Eirwen B., taʻu 9, Uaiōmingi, USA

ʻOku ou ʻilo ʻoku ʻofeina au ʻe heʻeku Tamai Hēvaní koeʻuhí he naʻá Ne fakatupu au. ʻOkú Ne ʻofa ʻiate au koeʻuhí he naʻá Ne fekauʻi mai Hono ʻAlo ʻOfaʻangá ke pekia maʻa ʻeku ngaahi angahalá. ʻOkú Ne tali ʻeku ngaahi lotú.

Sharon K., taʻu 9, Vahefonua Lotolotó, ʻIukanitā

ʻOkú Ne tokoniʻi kitautolu. Naʻá Ne ʻomi kiate au ha moʻui lelei, ko ha fāmili lelei mo ha ʻapiako lelei ʻaupito. ʻOkú Ne tokoniʻi mo poupouʻi ʻa e kau mahakí mo e kakai ʻoku faingataʻaʻiá.

E’rich J., taʻu 9, ʻOuesi, Haiti

ʻOku ngaohi au ʻe he ʻofa ʻa e Tamai Hēvaní ke u ongoʻi hao mo malu.

Jarom K., taʻu 10, Hatula, Finilani

ʻOku ou ʻilo ʻoku ʻofa ʻa e Tamai Hēvaní ʻiate au koeʻuhí he ʻokú Ne tāpuekina au ʻi he ʻaho kotoa pē.

Jack C., taʻu 10, Sepu, ʻOtu Filipainí

ʻOku ou nofo ʻi ha feituʻu ʻoku ʻātakaiʻi ʻe he ʻotu moʻungá, pea ʻi he taimi ʻoku ou ʻalu ke kemi ʻi aí, ʻoku ou ongoʻi ʻa e ʻofa ʻa ʻetau Tamai Hēvaní.

Chloé L., taʻu 10, ʻAveni-Loni-ʻAlapesi, Falanisē

ʻOku ou ongoʻi e ʻofa ʻa e ʻOtuá ʻi he taimi ʻoku tokoniʻi ai au ke u angalelei ʻi he vaʻingá lolotonga ʻa e ngaahi vaʻinga soká.

Brayden Q., taʻu 10, Kololato, USA